ФУТБОЛ. Ҳамаи ширкаткунандагони даври чорякфиналии Чемпионати ҷаҳон дар Қатар муайян шуданд

Декабрь 7, 2022 11:40

ДУШАНБЕ, 07.12.2022 /АМИТ «Ховар»/. Дастаи мунтахаби Португалия бо ҳисоби 6:1 дастаи Швейтсарияро  дар марҳиали 1/8- финалии Чемпионати ҷаҳон оид ба футбол мағлуб намуда, ба даври чорякфинали мусобиқот роҳ ёфт. Бозӣ дар Варзишгоҳи миллии Лусаил баргузор шуд, хабар медиҳад АМИТ «Ховар» бо истинод ба ТАСС.

Голҳоро дар ҳайати дастаи мунтахаби Португалия Гонкало Рамос дар дақиқҳои  (17, 51, 67), Пепе (33), Рафаэл Геррейру (55), Рафаэл Лио (90+2)  ба нишон расониданд. Ягона голро дар ҳайати Швейтсария Мануэл Акандҷӣ зад.

Пепе куҳансолтарин бозигар дар таърих шуд, ки дар 1/8-финали Чемпионати ҷаҳон гол задааст. Ӯ 39 солу 9 моҳ дорад. Куҳансолтарин голзан дар таърихи ин мусобиқа камерунӣ Роҷер Милла аст, ки дар бозии марҳилаи гурӯҳии Чемпионати ҷаҳон соли 1994 ба дарвозаи дастаи мунтахаби Россия (1:6) дар синни 42 солу 39 рӯз  ​гол зада буд.

Бори аввал дар 14 соли охир сарбони Португалия Криштиану Роналду як бозии муҳими мусобиқаро аз курсии захиравӣ оғоз кард. Дафъаи пеш дар чемпионати Аврупо дар соли 2008 ӯ ба ҳайати асосӣ дохил нашуд. Дар он вақт португалиҳо дар марҳилаи гурӯҳӣ бо Швейтсария низ вохӯрданд ва бо ҳисоби 0:2 шикаст хӯрданд. Роналду тамоми бозиро дар захирагоҳ гузаронид. Дар мусобиқаи Қатар Роналду дар бозии даври аввали марҳилаи гурӯҳӣ ба муқобили Гана (3:2) аз ҷаримаи ёздаҳметара як гол зад.

Дастаи мунтахаби Португалия бори аввал соли 2006 ба даври чорякфинали Чемпоинати ҷаҳон роҳ ёфт ва дар ин мусобиқа мақоми чаҳорумро гирифт. Дар даври чорякфиналии Чемпионати ҷаҳон дар Қатар португалиҳо бо дастаи Марокаш бозӣ мекунанд. Ҳамчунин дар ин марҳилаи мусобиқот бозиҳои Аргентина — Ҳолланд, Бразилия — Хорватия ва Фаронса — Англия баргузор мешаванд.

Бозиҳои Чемпионати ҷаҳон оид ба футбол дар Қатар дар панҷ шаҳр дар ҳашт варзишгоҳ баргузор мешаванд. Дастаи мунтахаби Бразилия аз ҳама бештар (панҷ бор) ғолиби ин мусобиқа шудааст.  Бозии финалии Чемпионати ҷаҳон дар Қатар 18 декабр дар Варзишгоҳи миллии Лусаил баргузор мешавад.

АКС аз манбаъҳои боз

Декабрь 7, 2022 11:40

Хабарҳои дигари ин бахш

Сафири Тоҷикистон бо ҳайати Ассотсиатсияи варзишии ҳамбастагии исломӣ мулоқот намуд
Дастаи мунтахаби Тоҷикистон оид ба футзал ба қисми ниҳоии Ҷоми Осиё-2026 роҳхат гирифт
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо тими Ҷопон бозӣ мекунад
Тоҷикистонро дар Бозиҳои сеюми кишварҳои ИДМ 142 варзишгар муаррифӣ менамояд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» ҷамъбаст гардид
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо Камбоҷа бозӣ мекунад
Дар рӯзи охирини Ҷоми ҷаҳон оид ба самбо варзишгарони тоҷик соҳиби 6 медал шуданд
ҶОМИ ОСИЁ-2026. Дастаи мунтахаби Тоҷикистон оид ба футзал дар оғози марҳилаи интихобӣ тими Макаоро мағлуб намуд
Варзишгарони Тоҷикистон дар Бозиҳои ИДМ-2025 иштирок менамоянд
ҶОМИ ҶАҲОН ОИД БА САМБО. Варзишгарони тоҷик дар рӯзи якуми мусобиқа се медал ба даст оварданд
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Макао бозӣ мекунад
Мусобиқаи 15-уми байналмилалӣ оид ба теннис дар Душанбе идома дорад