Ҳилолбӣ Қурбонзода дар нишасти ҷамъбастии Муколамаи занони кишварҳои Осиёи Марказӣ иштирок намуд

Декабрь 13, 2022 15:23

ДУШАНБЕ, 13.12.2022 /АМИТ «Ховар»/. Дар шаҳри Ашқободи Туркманистон нишасти ҷамъбастии Муколамаи занони кишварҳои Осиёи Марказӣ доир шуд, ки дар он Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода иштирок намуд. Дар ин бора ба АМИТ «Ховар» дар Кумитаи кор бо занон ва оилаи ҷумҳурӣ хабар доданд.

Нишаст бо иштироки намояндагони Муколамаи занони кишварҳои Осиёи Марказӣ доир шуда, дар он масъалаҳои «Сиёсати гендерӣ», «Занон, сулҳ, амният ва масоили марбут ба таъсири тағйирёбии иқлим ва вазъи занон дар Осиёи Марказӣ», «Соҳибкории занон», «Пешгирии зӯроварӣ нисбат ба занону духтарон», «Занон ва об», «Таъсири тағйирёбии иқлим ба табақаи осебпазир», «Занон ва духтарон дар илм», «Рушди ҳунарҳои мардумӣ» ва дигар масоили марбут ба занону духтарон мавриди баррасӣ қарор гирифтанд.

Тавре АМИТ «Ховар» қаблан хабар дод, роҳбарони ниҳодҳои вобаста ба ҳалли масоили марбут ба занон ва оилаҳои кишварҳои Осиёи Марказӣ ва Россия эъломияеро имзо карданд, ки дар он уҳдадории занон барои иштироки бештар дар ҳалли масъалаҳои сатҳи байналмилалӣ эълом шудааст.

Имзои санад 13 майи соли равон дар Ашқобод зимни нишасти нахустин Муколамаи занон дар Осиёи Марказӣ ва Россия сурат гирифт, ки дар он Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Курбонзода ширкат дошт.

Дар ин ҳуҷҷат 11 банд мавҷуд аст, ки 3-тои аввал ба омодагии занони хизматчии давлатӣ барои иштироки фаъолона дар татбиқи Ҳадафҳои Рушди Устувор то соли 2030, саҳм гузоштан дар суботи ҷаҳонӣ ва ҳифзи муҳити зист бахшида шудаанд.

Қисме аз ин санад ба фаъолияти роҳбарони Тоҷикистон, Туркманистон, Қазоқистон, Узбекистон, Қирғизистон ва Россия дар заминаи ҳимоят аз заноне, ки тиҷорати шахсии худро доранд, баҳои баланд медиҳад.

Дар доираи эъломия ба аҳамияти заҳматҳои занон дар соҳаи ҳифзи мероси фарҳангии халқҳои давлатҳои дахлдор, рушди илму маориф, соҳаи тандурустӣ, санъат ва соҳаи варзиш таваҷҷуҳи махсус зоҳир карда шудааст.

АКС: Кумитаи кор бо занон ва оилаи назди Ҳукумати ҶТ

Декабрь 13, 2022 15:23

Хабарҳои дигари ин бахш

Соли равон дар вилояти Суғд таъмир ва сохтмони беш аз 100 муассисаи тандурустӣ ба нақша гирифта шудааст
Дар Душанбе Форуми ёздаҳуми миллӣ оид ба волоияти қонун баргузор мешавад
Дар Тоҷикистон дар нуҳ моҳ гирифторӣ ба бемориҳои шадиди рӯда зиёд шудааст
26 ОКТЯБР-РӮЗИ КОРМАНДОНИ МАҚОМОТИ СУДӢ. Онҳо дар таҳкими қонуният ва ҳифзи ҳуқуқу озодиҳои инсон нақши муҳим доранд
Дар Душанбе оид ба риояи дурусти қоидаҳои бехатарӣ ҳангоми заминларза корҳои фаҳмондадиҳӣ гузаронида шуданд
Ба муносибати Рӯзи Конститутсияи Ҷумҳурии Тоҷикистон конференсияи илмӣ-амалӣ доир гардид
Дар Маркази касбомӯзӣ ва хизматрасонии ноҳияи Восеъ аз рӯи 5 ихтисос мутахассисон омода карда мешаванд
24 ОКТЯБР — РӮЗИ ИТТИФОҚҲОИ КАСАБА. Нақши он дар ҳимояти ҳуқуқ ва манфиатҳои иҷтимоию иқтисодии кормандон назаррас аст
Дар ноҳияи Шоҳмансур вобаста ба пешгирии ҳолатҳои фавқулода корҳои фаҳмондадиҳӣ гузаронида шуданд
Дар маркази ноҳияи Данғара бунёди 315 бинои истиқоматии аз 9 то 16 ошёна ба нақша гирифта шудааст
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад