ҲИММАТИ БАЛАНД. Соҳибкор Маҳмудҷон Муродов дар арафаи Соли нави мелодӣ ба сарбозону афсарони Қӯшунҳои дохилии ВКД кумаки моддию молӣ расонид

Декабрь 23, 2022 18:36

ДУШАНБЕ, 23.12.2022 /АМИТ «Ховар»/. Имрӯз дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар пайравӣ ба ташаббусу иқдомҳои инсондӯстонаву хайрхоҳонаи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ соҳибкор, роҳбари Ҷамъияти дорои масъулияти маҳдуди «Сарманзил», узви Ҳизби Халкии Демократии Тоҷикистон ва вакили Маҷлиси вакилони халқи шаҳри Душанбе Маҳмудҷон Муродов барои 2427 нафар сарбозону афсарони ҷузъу томҳои Вазорати корҳои дохилии мамлакат дастархони идона орост. Ҳамчунин ӯ ба 394 оилаи афсарон кумаки озуқаворӣ иборат аз маҳсулоти мавриди ниёзи аввал ва ба 100 нафар афсарзанон кумаки пулию моддӣ расонид.

Беҳуда нагуфтаанд: «Ҳиммати мард чун баланд бувад, Дар ҳама кор арҷманд бувад». Аз ҷумла соҳибкор барои 373 нафар афсарони дастаи таъйиноти махсуси Вазорати корҳои дохилӣ дастархони идона ороста, ба оилаҳои афсарони фавтид ва маҷрӯҳ кумаки моддию пулӣ расонид. Ҳамчунин ба 18 нафар афсарзанон кумакпулиҳо ва туҳфаҳо тақдим намуд.


Дар яке аз қисмҳои низомии Қӯшунҳои дохилии Вазорати корҳои дохилӣ барои 1100 нафар сарбозону афсарон дастархон ороста шуда, ба 102 оилаи афсарон туҳфаҳои солинавӣ ва кумаки озуқаворӣ аз қабили орд, равған, шакар, биринҷ, макарон, гушт ва ғайраҳо тақдим гардиданд. 25 нафар афсарзанони ин қисми низомӣ бо кумакпулиҳо ва туҳфаҳои солинавӣ қадрдонӣ шуданд.

Ҳамчунин ба 153 нафар афсарони қисми низомии дигари Қӯшунҳои дохилии Вазорати корҳои дохилӣ дастархони идона ороста ва кумаки моддӣ расонида шуда, 8 нафар кормандзанони ин қисми низомӣ бо маблағҳои пулӣ ва кумаки озуқаворӣ ҳавасманд гардиданд.


Дар қисми низомии Қӯшунҳои дохилии Вазорати корҳои дохилӣ Маҳмудҷон Муродов бо ҳамроҳии сардори Раёсати Қӯшунҳои дохилӣ Сухроб Раупов барои 801 нафар сарбозону афсарон дастархон ороста, ба 94 оилаи афсарон туҳфаҳои солинавӣ ва кумаки озуқаворӣ тақдим карданд. Инчунин ба 17 нафар афсарзанони қисми низомӣ кумакпулиҳо ва туҳфаҳои солинавӣ супориданд.

Соҳибкор ҳамчунин ба Раёсати Қӯшунҳои дохилии Вазорати корҳои дохилии Ҷумҳурии Тоҷикистон 15 адад телевизори плазмавӣ ва 15 адад миз барои дарзмолкунӣ тақдим кард.

Рустам ҶАМИЛЗОДА,
Тоҳирҷон САИД (АКС)
АМИТ «Ховар»

Декабрь 23, 2022 18:36

Хабарҳои дигари ин бахш

Соли равон дар вилояти Суғд таъмир ва сохтмони беш аз 100 муассисаи тандурустӣ ба нақша гирифта шудааст
Дар Душанбе Форуми ёздаҳуми миллӣ оид ба волоияти қонун баргузор мешавад
Дар Тоҷикистон дар нуҳ моҳ гирифторӣ ба бемориҳои шадиди рӯда зиёд шудааст
26 ОКТЯБР-РӮЗИ КОРМАНДОНИ МАҚОМОТИ СУДӢ. Онҳо дар таҳкими қонуният ва ҳифзи ҳуқуқу озодиҳои инсон нақши муҳим доранд
Дар Душанбе оид ба риояи дурусти қоидаҳои бехатарӣ ҳангоми заминларза корҳои фаҳмондадиҳӣ гузаронида шуданд
Ба муносибати Рӯзи Конститутсияи Ҷумҳурии Тоҷикистон конференсияи илмӣ-амалӣ доир гардид
Дар Маркази касбомӯзӣ ва хизматрасонии ноҳияи Восеъ аз рӯи 5 ихтисос мутахассисон омода карда мешаванд
24 ОКТЯБР — РӮЗИ ИТТИФОҚҲОИ КАСАБА. Нақши он дар ҳимояти ҳуқуқ ва манфиатҳои иҷтимоию иқтисодии кормандон назаррас аст
Дар ноҳияи Шоҳмансур вобаста ба пешгирии ҳолатҳои фавқулода корҳои фаҳмондадиҳӣ гузаронида шуданд
Дар маркази ноҳияи Данғара бунёди 315 бинои истиқоматии аз 9 то 16 ошёна ба нақша гирифта шудааст
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад