Китоби сурхи Ҷумҳурии Тоҷикистон соли 2023 аз нав таҳия ва нашр мешавад
ДУШАНБЕ, 02.12.2022 /АМИТ «Ховар»/. Интизор меравад, ки аз оғози соли 2023 дар ҷумҳурӣ омӯзиш ва таҳияи нашри нави сеюми Китоби сурхи Ҷумҳурии Тоҷикистон шурӯъ гардад. Дар ин бора АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Масъалаи таҳияи нашри нави сеюми Китоби сурхи Ҷумҳурии Тоҷикистон дар шаҳри Душанбе зимни ҳамоиш бо иштироки 35 нафар олимон, мутахассисон ва коршиносон аз Кумитаи ҳифзи муҳити зисти назди Ҳукумати Ҷумҳурии Тоҷикистон, Академияи миллии илмҳои Тоҷикистон ва вазорату идораҳои марбута баррасӣ гардид.
Муовини якуми Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Зарафо Қиёмзода доир ба моҳият ва нақши Китоби сурхи Ҷумҳурии Тоҷикистон дар ҳифзу нигоҳдории олами набототу ҳайвоноти нодири кишвар сухан намуд.
Ноиби Президенти Академияи миллии илмҳои Тоҷикистон Абдусаттор Саидов роҷеъ ба талабот ва тартиби таҳия ва нашри Китоби сурхи Ҷумҳурии Тоҷикистон ибрози назар намуда, гуфт, ки тибқи талаботи ҷорӣ, Китоби сурх баъди ҳар даҳ сол бояд аз нав таҳия карда шавад.
Зимни ҳамоиш иштирокдорон доир ба таҳқиқу омӯзиши намудҳои набототу ҳайвонот, ҷамъоварӣ ва коркарди маводи илмӣ, дараҷабандии намудҳо, омода намудани рӯйхати намудҳои наве, ки зери таҳдиди нобудшавӣ қарор доранд ва ворид намудани онҳо ба Китоби сурхи Ҷумҳурии Тоҷикистон тибқи талаботи Иттиҳодияи байналмилалии ҳифзи табиат табодули назар намуданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
«ИЛМ–ФУРӮҒИ МАЪРИФАТ». 19 октябр даври чоруми озмуни ҷумҳуриявӣ оғоз мегардад
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
