Корпоратсияи байналмилалии молиявӣ ба дурнамои макроиқтисодӣ дар Тоҷикистон таваҷҷуҳи бештар зоҳир менамояд
ДУШАНБЕ, 15.12.2022 /АМИТ «Ховар»/. Корпоратсияи байналмилалии молиявӣ нақша дорад таваҷҷуҳи худро ба дурнамои макроиқтисодӣ дар соли 2023 дар Ҷумҳурии Тоҷикистон бештар намуда, ба баланд бардоштани устувории он равона созад. Ин нукта зимни мулоқоти Раиси Раёсати Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ бо гурӯҳи кории Корпоратсияи байналмилалии молиявӣ таҳти роҳбарии Калин Тинчев ва аъзои гурӯҳ иброз гардид. Дар ин бора АМИТ «Ховар» бо истинод ба «Амонатбонк» хабар медиҳад.
Зимни мулоқот Раиси Раёсати БДА ҶТ «Амонатбонк» Сироҷиддин Икромӣ бо аъзои гурӯҳи кории Корпоратсияи байналмилалии молиявӣ оид ба рушд додани ҳамкории мутақобилан судманд суҳбат намуд.
Сироҷиддин Икромӣ оид ба фаъолияти молиявии бонк дар 11 моҳи соли 2022 маълумот пешниҳод кард. Роҳбарияти «Амонатбонк» нисбат ба Дурнамои миёнамуҳлат ва дарозмуҳлати бонк маълумот дода, намояндагони Корпоратсияи байналмилалии молиявиро бовар кунонданд, ки новобаста аз вазъи геосиёсии дунё таъсири манфии он ба рушди иқтисодии кишварҳои минтақа, муносибатҳои байналмилалии бонк бо шарикони рушд ва таъсири манфии ҳодисаҳои мазкур, ҳолати молиявии БДА ҶТ «Амонатбонк» муътадил нигоҳ дода шудааст.
Намояндагони гурӯҳи кории Корпоратсияи байналмилалии молиявӣ иттилоъ доданд, ки ҳамкории судманди дуҷониба бо БДА ҶТ «Амонатбонк» ҳамчун бонки низомсози кишвар дар сатҳи зарурӣ ба роҳ монда шуда, имрӯз заминае вуҷуд дорад, ки солҳои минбаъда он боз ҳам тақвият бахшида шавад.
Дар интиҳои мулоқот ҷонибҳо оид ба масоили густариши ҳамкорӣ дар самтҳои мухталиф ва пешгирӣ намудани таъсири хавфҳои эҳтимолии берунӣ таваҷҷуҳ намуда, омодагии хешро бобати густариш додани ҳамкорӣ иброз намуданд.
Ёдовар мешавем, ки сафари ҳайати баландпояи Корпоратсияи байналмилалии молиявӣ таҳти раёсати роҳбари миссия Мэтю Гертнер ҷиҳати баргузор намудани мулоқот бо роҳбарони якчанд вазорату идораҳои блоки иқтисодии ҷумҳурӣ дар Тоҷикистон то 16 декабр идома меёбад.
АКС: БДА ҶТ «Амонатбонк»
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
ҚУРБИ АСЪОР: 1 доллари ИМА аз 9.5863 то 9.6100 сомонӣ муқаррар шудааст
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
