Намояндагони Тоҷикистон дар Ереван дар ҷаласа оид ба мубориза бо муҳоҷирати ғайриқонунӣ иштирок намуданд
ДУШАНБЕ, 07.12.2022 /АМИТ «Ховар»/. 6 декабр дар шаҳри Еревани Ҷумҳурии Арманистон ҷаласаи Шӯрои ҳамоҳангсозии роҳбарони мақомоти салоҳиятдори кишварҳои узви Созмони Аҳдномаи амнияти дастҷамъӣ (СААД) оид ба мубориза бо муҳоҷирати ғайриқонунӣ баргузор гардид. Дар ин бора ба АМИТ «Ховар» дар Вазорати корҳои дохилӣ хабар доданд.
Дар ҷаласа муовини Вазири корҳои дохилии Ҷумҳурии Тоҷикистон Акбар Насимзода, сардори Хадамоти шиносномавию бақайдгирии ВКД Ҳусейн Халилзода ва дигар шахсони расмӣ иштирок намуданд.
Ҷаласаи Шӯрои ҳамоҳангсоз таҳти раёсати муовини аввали Вазири корҳои дохилии Федератсияи Россия Александр Горовой баргузор шуд.
Зимни ҷаласа Акбар Насимзода зикр кард, ки «танзими равандҳои муҳоҷират аксаран ҳалли мушкилоти мураккабро тақозо мекунад ва мо бояд ҳамкориро дар бисёр соҳаҳо инкишоф диҳем. Таъсиси заминаи ҳуқуқӣ, ошкор ва рафъи роҳҳо ва созмондиҳандагони муҳоҷирати ғайриқонунӣ, таҳияи равиши ягона барои амалӣ намудани назорати будубоши шаҳрвандони хориҷӣ ва шахсони бешаҳрвандӣ, кор бо гурезаҳо, табодули иттилоот ва иҷрои дархостҳо самтҳои асосии фаъолияти муштарак мебошанд».
Дар ҷараёни ҷаласа вазъи муҳоҷират дар кишварҳои узви СААД, чораҳои мубориза бо муҳоҷирати ғайриқонунӣ, тағйирот дар қонунгузории муҳоҷирати кишварҳои узви СААД ва натиҷаҳои чорабинии «Нелегал-2022» баррасӣ гардиданд.
Дар хотимаи ҷаласаи Шӯрои ҳамоҳангсозии роҳбарони мақомоти салоҳиятдори кишварҳои узви СААД оид ба мубориза бо муҳоҷирати ғайриқонунӣ протоколи дахлдор ба имзо расид.
Акс: ВКД ҶТ
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
