ПАНҶСОЛАИ РУШДИ САНОАТ. Дар шаҳри Левакант корхонаи парандапарварии ҶДММ «Мурғи хушзот» бунёд мешавад
ДУШАНБЕ, 23.12.2022 /АМИТ «Ховар»/. Дар Ҷамоати деҳоти «Ваҳдат»-и шаҳри Левакант корхонаи парандапарварии ҶДММ «Мурғи хушзот» оид ба истеҳсоли гӯшти мурғ бунёд мешавад, иттилоъ доданд ба АМИТ «Ховар» дар шуъбаи иттилоотӣ ва таҳлилии дастгоҳи Раиси вилояти Хатлон.
Зикр шуд, ки Раиси вилояти Хатлон 21 декабр зимни сафари корӣ аз ҷараёни сохтмони корхонаи мазкур дидан намуд.
Сохтмони фабрикаи парандапарварии ҶДММ «Мурғи хушзот» имсол оғоз гардида, аз сехҳои мурғи марҷонпарварӣ, мурғпарварӣ ва истеҳсоли гӯшти мурғ иборат мебошад. Роҳбарияти корхонаи мазкур иқдом гирифтааст, ки сохтмонро рӯзҳои наздик анҷом дода, саршумори мурғро ба 45 ҳазор сар ва истеҳсоли гӯшти парҳезиро дар як сол то ба 135 тонна расонад.
Раиси вилояти Хатлон Қурбон Ҳакимзода дар Ҷамоати деҳоти «Гулистон»-и шаҳри Левакант ҳамчунин бо ҷараёни корҳои сохтмонии гармхонаи инноватсионии доимамалкунанда, ки аз ҷониби соҳибкори ватанӣ Саймумин Давлатов дар масоҳати 10 гектар бунёд гардида истодааст, шинос шуд.
Иттилоъ дода шуд, ки корҳои сохтмонӣ, аз ҷумла бетонрезӣ дар майдони як гектар оғоз гардидаанд. Дар назар аст, ки моҳи марти соли 2023 марҳилаи якуми гармхонаҳои мазкур мавриди баҳрабардорӣ қарор дода шуда, зироату маҳсулоти полезӣ, асосан помидору бодиринги барвақтӣ ва картошка кишт ва ба бозорҳои вилоят бароварда шаванд. Баъди мавриди баҳрабардорӣ қарор гирифтани гармхонаи доимамалкунанда 100 нафар сокинони маҳаллӣ бо ҷойи кор таъмин карда мешаванд.
Раиси вилоят ба масъулин ҷиҳати дастгирӣ ва ҷалб намудани соҳибкорон ба корҳои созандагию ободонӣ дастуру супоришҳо дод.
АКС: шуъбаи иттилоотӣ ва таҳлилии дастгоҳи Раиси вилояти Хатлон
Ассамблеяи СММ оид ба муҳити зист қатъномаи Тоҷикистонро оид ба ҳифзи пиряхҳо ва криосфера қабул намуд
ИСТИФОДАИ САМАРАНОКИ ЗАМИН. Сокинони ноҳияи Ёвон заминҳои наздиҳавлигиро оқилона истифода мебаранд
Дар шаҳру ноҳияҳои вилояти Суғд майдони гармхонаҳои инноватсионӣ зиёд мегардад
Дар ноҳияи Ҷалолиддини Балхӣ 16 навъи меваи ситрусӣ парвариш меёбад
«МУҚОВИМАТ БА КОРРУПСИЯ ДАР СОҲАИ ТИҶОРАТ». Дар Душанбе масъалаҳои муқовимат ба ин зуҳурот ва дастгирии соҳибкорӣ баррасӣ шуданд
Содироти маҳсулоти кишоварзӣ аз Тоҷикистон ба Русия баррасӣ гардид
Маросими ҷоизасупорӣ ба ғолибони Озмуни ҷумҳуриявии «Бренди сол – 2025» баргузор гардид
ШУРОИ МИЛЛИИ ОБ. Он ба истифода, ҳифз ва идоракунии устувори захираҳои обӣ дар Тоҷикистон мусоидат менамояд
Барои коркарди ҳиссаи бештари нахи пахта дар Тоҷикистон ва истеҳсоли маҳсулоти ниҳоӣ чӣ бояд кард? Шарҳи коршиносон
Имрӯз таҳти унвони «Муқовимат ба коррупсия дар соҳаи тиҷорат» форуми байналмилалӣ баргузор мешавад
Файзиддин Қаҳҳорзода дар Риёз дар ҷаласа доир ба мутобиқшавӣ ба тағйирёбии иқлимӣ ва устуворӣ иштирок намуд
Ҷаласаи навбатии Комиссияи амнияти химиявии Ҷумҳурии Тоҷикистон доир шуд
