Барои кумакрасонӣ ба ронандагон дар шоҳроҳи байналмилалии Кулма-Хоруғ-Душанбе ситод ташкил шуд
ДУШАНБЕ, 19.01.2023 /АМИТ «Ховар»/. Сардиҳои моҳи январ, ки пастшавии ҳаво дар баъзе мавзеъҳои алоҳидаи яке аз ноҳияҳои баландкӯҳи кишвар — Мурғоб ба 36-40 дараҷа мерасад, ба фаъолияти ронандагони мошинҳои боркашонии роҳи байналмилалии Кулма-Хоруғ- Душанбе, ки яке аз шоҳроҳҳои муҳими стратегӣ барои иқтисоди кишварамон аст, бетаъсир намонд. Дар ин бора АМИТ «Ховар» бо истинод ба мақомоти иҷроияи ҳокимияти давлатии ноҳияи Мурғоб иттилоъ медиҳад.
Дар иртибот ба ин барои дастгирии ронандагон ва мусофирон дар чунин ҳавои сард таҳти роҳбарии Раиси ноҳияи Мурғоб Ҳусния Раҷабзода аз ҷониби мақомоти иҷроияи ҳокимияти давлатии ноҳияи Мурғоб ситоди фаврӣ таъсис дода шуд. Аз ҷониби ситоди мазкур барои ронандагони мошинҳои боркаши масири байналмилалии Кулма-Хоруғ- Душанбе ва мусофирон нуқтаҳои гарм ташкил ва онҳо бо хӯроки гарму ҷойи хоб таъмин шуданд. Инчунин дар ин нуқтаҳо ба онҳо кумаки тиббӣ расонида шуд.
Дар ҳудуди ноҳияи Мурғоб аз ҷониби ситоди мазкур гурӯҳҳои кумаки техникӣ ва кумакрасон ташкил гардидаанд, ки шабонарӯзӣ навбатдорӣ менамоянд.
АКС: Мақомоти иҷроияи ҳокимияти давлатии ноҳияи Мурғоб
Дар Балҷувон дар мавзуи «Сулҳу субот – омили рушди устувори соҳаи сайёҳӣ» вохӯрии судманд доир гардид
Ҳамкории Тоҷикистон бо Барномаи рушди СММ дар самти ҳифзи ҳуқуқи инсон муҳокима карда шуд
Муовини Сарвазири Тоҷикистон бо сохтмони маҳаллаи навбунёд дар деҳаи Зарангаки ноҳияи Рашт шинос шуд
Нақши занон дар мақомоти олии қонунгузории Тоҷикистон дар даврони соҳибистиқлолӣ назаррас аст
Бахшида ба Рӯзи кормандони тандурустии Тоҷикистон ҷаласаи тантанавӣ баргузор гардид
ИМРӮЗ — РӮЗИ КОРМАНДОНИ СОҲАИ ТИБ. Дар Тоҷикистон 5254 муассисаи тиббӣ фаъолият менамояд
Дар ноҳияи Кӯшониён Маркази саломатӣ ифтитоҳ гардид
Дар Душанбе Форуми дуюми байналмилалӣ оид ба масъалаҳои маъюбӣ доир гардид
Дар ноҳияи Айнӣ оид ба пешгирии истифодаи ғайриқонунии неруи барқ вохӯрӣ баргузор шуд
Дар ноҳияи Ҷаббор Расулов оид ба истифодаи сарфакоронаи неруи барқ вохӯрӣ доир гардид
Дар Душанбе фаъолияти лоиҳаи «Миллати солими Тоҷикистон» натиҷагирӣ карда шуд
Дар Намоиш-озмуни ҷумҳуриявии «Беҳтарин лоиҳаи меъморӣ ва шаҳрсозӣ» ғолибон муайян гардиданд
