Дар Душанбе масъалаи татбиқи иқтисоди «сабз»-ро баррасӣ намуданд
ДУШАНБЕ, 20.01.2023. /АМИТ «Ховар»/. Масъалаи амалигардонии бандҳои «Барномаи давлатии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» зимни вохӯрии муовини якуми Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Зарафо Қиёмзода бо сардори шуъбаи муҳити зисти Департаменти иқтисодию экологии Дафтари намояндагии САҲА дар Душанбе Муҳаббат Камарова баррасӣ гардид. Дар ин бора ба АМИТ «Ховар» дар кумитаи мазкур хабар доданд.
Зарафо Қиёмзода зимни мулоқот ба намояндаи Дафтари САҲА дар Душанбе ҷиҳати ҳамкории судманд бо Кумитаи ҳифзи муҳити зист ва саҳми муносиб гузоштан дар беҳдошти муҳити зист изҳори сипос намуд.
Ёдовар мешавем, ки дар доираи ҳамкории дуҷонибаи судманд Дафтари намояндагии САҲА дар Душанбе ба чопи маводи маърифатию иттилоотие, ки аз ҷониби кормандони Маркази ахбори экологӣ, тарғибот ва барномасозии компютерӣ таҳия карда шудаанд, ёрии ҳамаҷониба мерасонад.
Зимни вохӯрӣ ҷонибҳо тавсеаи ҳамкории судмандро ҷиҳати амалигардонии бандҳои Барномаи давлатии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025, андешидани тадбирҳо ҷиҳати амалигардонии иқтисоди сабз, иҷрои уҳдадориҳои Тоҷикистон дар назди Конвенсияи Орхус дар соли 2023 мавриди баррасӣ қарор доданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
Ҳамкории гумрукӣ байни Тоҷикистон ва Эрон дар Шероз баррасӣ шуд
