Дар Хатлон барои наваскарон бурсҳои ройгон ташкил гардиданд
ДУШАНБЕ, 20.01.2023 /АМИТ «Ховар»/. Шурӯъ аз 17 январ Кумитаи вилоятии Созмони ҷамъиятии мададгори мудофиа дар вилояти Хатлон бурсҳои кӯтоҳмуддати ронандагии ройгон эълон намуд. Дар ин бора муовини сардори Мактабҳои техникии муттаҳидаи Кумитаи вилоятии Созмони ҷамъиятии мададгори мудофиаи вилояти Хатлон Манучеҳр Тоҷиев хабар дод.
Дар айни замон ба бурсҳои ронандагӣ беш аз 70 дархост аз ҷониби наваскарон ворид шудаанд.
Маблағгузории ташкил ва гузаронидани бурсҳо дар вилояти Хатлон аз ҳисоби Ҳукумати Ҷумҳурии Тоҷикистон амалӣ карда мешавад. Барои омӯзиши ҷавонон таҷҳизоту воситаҳо омода карда шудаанд.
Бо мақсади таълиму тарбия ва омода намудани ҷавонон ба хидмат дар сафи Қувваҳои Мусаллаҳи Ҷумҳурии Тоҷикистон ҳамчунин бурсҳои тирандозӣ ва касбҳои гуногун, аз қабили ошпаз, тракторчӣ, барқчӣ, кафшерчӣ, сартарош таъсис дода шудаанд.
Давраи омӯзиш дар бурсҳои ронандагӣ дар вилояти Хатлон то 3 моҳ идома меёбад. Устодон ва мураббиён ихтиёриёнро ба таври амалӣ ва таҷрибавӣ таълим медиҳанд.
Шаҳлои САДРИДДИН,
АМИТ «Ховар»
АКС: АМИТ «Ховар»
Котиби Шурои амнияти Ҷумҳурии Тоҷикистон бо Сафири Чин мулоқот намуд
ЭҲТИЁТ-КАФИЛИ АМНИЯТ. Риояи қоидаҳои бехатарӣ ҳангоми истифодаи гази моеъ омили асосӣ барои ҳифзи ҷони инсон аст
Милитсияи шаҳри Душанбе беш аз 160 ҳолати ба фолбинӣ машғул шудани шаҳрвандонро ошкор намуд
Дар Душанбе масъалаи таҳкими ҳамкорӣ дар самти муқовимат ба хариду фурӯши одамон баррасӣ гардид
Ҳамкории милитсия ва соҳаи маорифи шаҳри Душанбе дар самти пешгирии ҷинояткории наврасону ҷавонон тақвият меёбад
ТАРМАФАРОӢ. Дар Тоҷикистон фаромадани тарма аз нимаи моҳи декабр то моҳи апрел дар назар аст
Соли 2026 дар Тоҷикистон ҷаласаи Шурои вазирони корҳои дохилии давлатҳои ИДМ баргузор мегардад
Дар вохӯрӣ бо аҳли ҷамоати шаҳри Ҳисор масъалаи пешгирии ноболиғон аз ҷинояткорӣ баррасӣ карда шуд
Мубориза бар зидди терроризму экстремизм дар меҳвари Паёми Президенти Тоҷикистон қарор дорад
Дар Вазорати мудофиаи Тоҷикистон оид ба масоили марбут ба амнияти давлат ҷаласа доир шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Тақвияти ҳамкорӣ дар соҳаи амнияти миллӣ вобаста ба гардиши ғайриқонунии маводи химиявӣ, биологӣ, радиатсионӣ ва ядроӣ баррасӣ шуд
