Дар Суғд масъулин ҷиҳати рушди босуботи соҳаҳои афзалиятнок муввазаф карда шуданд
ДУШАНБЕ, 11.01.2023 /АМИТ «Ховар»/. Дар назди масъулини шаҳру ноҳияҳои вилояти Суғд ҷиҳати рушди босуботи соҳаҳои иқтисоди миллӣ, таъсиси корхонаҳои саноатӣ ва воридсозии технологияҳои муосир, муҳайё намудани ҷойҳои кории нав ва афзоиш додани истеҳсоли маҳсулоти ниҳоӣ, бунёди корхонаҳои саноати коркард, аз ҷумла истихроҷу коркарди металлҳои ранга аз конҳои муайяншуда ва дигар вазифаҳои мушаххас барои соли 2023 гузошта шуданд. Дар ин бора 10 январи соли равон зимни ҷаласаи корӣ оид ба натиҷаҳои рушди иҷтимоию иқтисодии вилоят дар соли 2022 бо иштироки Раиси вилояти Суғд Раҷаббой Аҳмадзода ва муовини Сарвазири мамлакат Сулаймон Зиёзода зикр гардид, хабар медиҳад АМИТ «Ховар» бо истинод ба Хадамоти матбуоти Раиси вилоят.
Ҳамзамон таъкид карда шуд, ки ба кор андохтани корхонаҳои муосири истеҳсоли доруворӣ, коркарди васеи гиёҳҳои шифобахш, истихроҷ, коркард кардани сангҳои ороишӣ, содироти он ба хориҷи кишвар, барқарорсозии иқтидорҳои мавҷуда, афзоиши ҳаҷми истихроҷи канданиҳои фоиданок, коркарди маъдан, тақвияти корҳо дар самти бунёду азнавсозии роҳҳои дохиливу байни деҳаҳо, маҳалҳои аҳолинишин ва марказҳои шаҳру ноҳияҳо, таъмин намудани устувории молияи давлат, афзоиши даромад ва баланд бардоштани самаранокии буҷет, беҳтар гардонидани хизматрасониҳои давлатӣ дар шакли электронӣ, мукаммалсозии маъмурикунонии андоз ва дар ин замина бартараф намудани таъсири омили инсонӣ ба раванди андозсупорӣ, зиёд кардани номгӯйи хизматрасониҳои сайёҳӣ, иҷрои қисми даромади буҷети давлатӣ ва маҳаллӣ, гузоштани заминаи мустаҳкам барои рўёнидани ҳосили баланд дар соли 2023, истифодаи тухмиҳои серҳосил, баланд бардоштани сатҳу сифати омодасозии мутахассисони соҳаҳои саноат ва технологияҳои иттилоотиву коммуникатсионӣ ба роҳ монда шавад.
Инчунин оид ба иқтисоди рақамӣ, идомаи бунёди биноҳои нави таълимӣ, бунёди муассисаҳои тиббӣ ва беҳтар намудани сатҳу сифати хизматрасонӣ, тарбияи наврасону ҷавонон дар рӯҳияи садоқат ба халқу Ватан ва эҳтиром ба арзишҳои умумиинсонӣ, баррасии саривақтиву сифатноки муроҷиатҳои шаҳрвандон, дастгирии доимии табақаҳои ниёзманди аҳолӣ ва собиқадорон низ супоришҳо дода шуданд.
Аз ҷониби Раиси вилоят изҳори боварӣ карда шуд, ки фаъолон неруву талоши худро ҷиҳати бо дастовардҳои боз ҳам назаррас истиқбол гирифтани ҷашни 35-солагии Истиқлоли давлатии Тоҷикистон сафарбар менамоянд.
София ШОИК,
АМИТ «Ховар»
АКС: Хадамоти матбуоти Раиси вилояти Суғд
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷииро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
