ДЗЮДО. Маҳдудият нисбат ба Ҷаҳонгир Маҷидов барои иштирок дар мусобиқаҳои байналмилалӣ бардошта шуд
ДУШАНБЕ, 18.01.2023 /АМИТ «Ховар»/. Маҳдудият барои иштироки варзишгари тоҷик Ҷаҳонгир Маҷидов дар мусобиқаҳои байналмилалӣ оид ба дзюдо ва ба даст овардани имтиёзҳои зарурӣ барои дарёфти роҳхати олимпӣ бардошта шуд. Дар ин бора ба АМИТ «Ховар» дар Федератсияи дзюдои Тоҷикистон хабар доданд.
«Президенти Федератсия дзюдои Тоҷикистон Исмоил Маҳмадзоир бо шахсони масъули Федератсияи байналмилалии дзюдо оид ба масъалаҳои мубрами рушди дзюдо дар кишвар ва бартараф намудани мушкилоти мавҷуда нисбат ба варзишгарони тоҷик гуфтушунид анҷом дод, ки дар натиҷа Ҷаҳонгир Маҷидов имконияти дубораи иштирокро дар мусобиқаҳои байналмилалӣ ба даст овард»,- таъкид намуданд дар Федератсияи дзюдои Тоҷикистон.
Ёдовар мешавем, ки моҳи ноябри соли 2022 Ҷаҳонгир Маҷидов ва Муллораҷаб Халифаев барои вайрон кардани низоми Федератсияи байналмилалии дзюдо (IJF) муваққатан аз иштирок дар мусобиқаҳо маҳрум шуда, имтиёзҳои онҳо дар раддабандии ҷаҳонӣ бекор карда шуд.
Ҳамзамон масъалаи иштироки Муллораҷаб Халифаев дар мусобиқаҳо аз Тоҷикистон ба Федератсияи дзюдои Россия алоқаманд буда, мавриди баррасӣ қарор дорад.
АКС: Федератсияи дзюдои Тоҷикистон
35-СОЛАГИИ ИСТИҚЛОЛИ ДАВЛАТӢ. Дар Вилояти Мухтори Кӯҳистони Бадахшон беш аз 20 майдонча ва толори варзишӣ сохта шуд
Машғулият оид ба таҳлили бозиҳо барои мураббиёни лигаҳои наврасони Тоҷикистон оид ба футбол идома дорад
Дастаи мунтахаби Тоҷикистон оид ба футбол ба 100-гонаи беҳтаринҳои раддабандии ФИФА ворид гардид
Бозии дастаҳои мунтахаби Тоҷикистон ва Арабистони Саудӣ оид ба футзал мусовӣ анҷом ёфт
«ФУТБОЛ БА НАЗДИ ШУМО МЕОЯД». Дастаи кӯдакони ноҳияи Лахш соҳиби ҷойи аввал гардид
Дастаи мунтахаби Тоҷикистон оид ба футзал дар доираи машқҳои таълимӣ ду бозии санҷишӣ доир кард
ФУТБОЛ. Дастаи мунтахаби наврасони Тоҷикистон (U-17) Аморати Муттаҳидаи Арабро мағлуб намуд
ФУТБОЛ. Дастаи мунтахаби наврасони то 17-солаи Тоҷикистон дар бозии дӯстона дастаи Арабистони Саудиро мағлуб намуд
Дастаи мунтахаби Тоҷикистон оид ба футзал пеш аз Ҷоми Осиё-2026 се бозии санҷишӣ анҷом медиҳад
Таҷрибаи академияҳои маъруфи ҷиу-ҷитсуи ИМА барои рушди варзиш дар Тоҷикистон омӯхта мешавад
Дар Душанбе қуръакашии марҳилаи муқаддамотии Ҷоми ФФТ-2026 оид ба футбол баргузор шуд
Дар Тоҷикистон Фестивали бозиҳои миллии варзишӣ баргузор мегардад
