МАСЛИҲАТИ МУТАХАССИС. Дар ин шабу рӯзҳо барфи танаи дарахтони меваи донакдорро тоза кардан лозим нест
ДУШАНБЕ, 13.01.2023 /АМИТ «Ховар»/. Барфи танаи дарахтони меваи донакдор дар ин шабу рӯз набояд аз барф тоза карда шаванд, зеро худи барф имконияти ҳимояи навдаҳои онро дорад. Барфро дар заминҳои лалмӣ ва обӣ дар атрофи решаи дарахтон ҷамъ овардан лозим аст. Барф решаи дарахтонро бо намии дуру дароз таъмин мекунад. Инчунин барфи ҷамъшударо бо хок ва хас якҷоя намуда, дар зери дарахт гузоштан лозим, то он тавонад дарахтро дурру дароз карахт нигоҳ дорад. Чунин маслиҳат медиҳад узви вобастаи Академияи илмҳои Ҷумҳурии Тоҷикистон, профессор Саидалӣ Гулов ба боғпарварони мамлакат.
Ба гуфти номбурда, дар ин шабу рӯз бояд яхобмониро мувофиқи талабот иҷро намуд. Зеро яхобмонӣ имконият медиҳад, ки ҳашарот ва касалиҳои дар хок буда ва дар атрофии дарахтон вуҷуддошта нобуд гарданд. Инчунин давраи гулкунии баҳории дарахтон дар фасли баҳор дертар оғоз мешавад.
Ҳамчунин бояд зикр намуд, ки яхобмонӣ имконият медиҳад дарахтон аз сардиҳои ногаҳонии баҳорӣ эмин монанд. Вақте ки давраи хунукии ногаҳонии фасли баҳор бе зарар гузашт, метавон ба ҳосили хубу босифат умед баст.
«Он ҳашарот ва касалиҳое, ки дар дарахтон вуҷуд доранд, дар ҳарорати 10 дараҷа паст, яъне дар тулии як ҳафтаи сарди пурра нобуд мегарданд. Ин имкон медиҳад, ки дарахтон дар ояндаи ҳосили фаровон диҳанд. Аз ин рӯ, боғпарварон бояд, ки аз ин имконият самаранок истифода баранд», — таъкид кард номбурда.
Саидалӣ Гулов зикр кард, ки дар чанд соли гузашта фасли зимистон гарм омад, бинобар ин баъзе аз лимўпарварони мо дар гармхонаҳо лимўро бе таъмини гармии эҳтиётӣ паврвариш намуданд. Аммо дар ин шаб рӯз, ки яку якбора ҳарорат то 10 дараҷа паст гардид, бояд дар гармхонаҳое, ки меваҳои ситруси павариш меёбанд, ҳатман бо гармӣ таъмин карда шавад. Чунки навдаҳои дарахти лимўро дар ҳарорати 3 дараҷа хунукӣ сармо мезанад.
Фирӯза ДАВЛАТЗОДА,
АМИТ «Ховар»
АКС аз манбаъҳои боз
Имрӯз дар Душанбе бо иштироки кишоварзон Иди тарбуз, харбуза ва каду баргузор гардид
ИМРӮЗ-РӮЗИ КОРМАНДОНИ СОҲАИ ИСТИХРОҶИ АНГИШТ. Имсол истихроҷи ангишт ба зиёда аз 3 миллион тонна расонида мешавад
Имрӯз дар шаҳри Душанбе Иди тарбуз, харбуза ва каду баргузор мегардад
Байни Вазорати кишоварзии Тоҷикистон ва Вазорати кишоварзии Қазоқистон Ёддошти тафоҳум ба имзо расид
НАЗАРИ КОРШИНОС. Рушди минбаъдаи иқтисодиёти Тоҷикистон бояд ба рушди фаъолияти соҳибкорию бахши хусусӣ нигаронида шавад
Дар Душанбе ба маблағи зиёда аз 47 миллион доллар созишномаҳои грантӣ ба имзо расиданд
Байни Кумитаи бехатарии озуқавории Тоҷикистон ва Кумитаи назорат ва бозрасии ветеринарии Вазорати кишоварзии Қазоқистон Ёддошти тафоҳум ба имзо расид
ИМЗОИ ЁДДОШТИ ТАФОҲУМ. Тоҷикистон ва Қазоқистон ҳамкориро дар соҳаи нафту газ тақвият мебахшанд
Таҷрибаи Қазоқистон дар самти иқтисоди рақамӣ, ҳукумати электронӣ ва ҳисоббаробаркунии ғайринақдӣ мавриди истифодаи Тоҷикистон қарор мегирад
Дар ноҳияи Зафаробод коргоҳи истеҳсоли мумфарш ба фаъолият оғоз намуд
Байни Тоҷикистон ва Қазоқистон Ёддошти тафоҳум оид ба ҳамкорӣ дар соҳаи стандартизатсия, метрология ва баҳодиҳии мутобиқат ба имзо расид
Шарикони рушд дар барқарорсозии роҳу пулҳои аз офатҳои табиӣ зарардида кумак менамоянд
