«МИНИАТЮРАИ ТОҶИК: ДИРӮЗ, ИМРӮЗ ВА ФАРДО». Душанбе мизбони ҳамоиши байналмилалӣ мегардад
ДУШАНБЕ, 24.01.2023 /АМИТ «Ховар»/. «Миниатюраи тоҷик: дирӯз, имрӯз ва фардо»- таҳти чунин унвон 4 феврал дар Душанбе ҳамоиши дуюми байналмилалӣ баргузор карда мешавад, ки ба гиромидошти хотираи санъатшинос, муҳаққиқи бузурги миниатюраи форсу тоҷик, профессор Муқаддама Ашрафӣ ва 30-солагии фаъолияти эҷодии рассом-миниатюрнигори маъруфи тоҷик Олим Камолзода бахшида шудааст. Дар ин бора ба АМИТ «Ховар» рассом-миниатюрнигор Олим Камолзода иттилоъ дод.
Дар ҳамоиши байналмилалӣ масъалаҳои муҳими марбут ба рушди миниатюраи тоҷик, таърихи миниатюраи форсу тоҷик, махсусияти он, мактаби миниатюраи тоҷик, саҳми Олим Камолзода дар рушди ин санъат ва дурнамои он мавриди баррасӣ қарор мегиранд.
Баргузории ҳамоиши мазкур ба таҳкими ҳамкории судманд бо шарикон ва ба ин восита тарғиби миниатюраи тоҷик дар хориҷи кишвар мусоидат менамояд. Маводи ҳамоиш дар китоби мусавваре ба ифтихори 30-солагии фаъолияти эҷодии рассом ва миниатюрнигори моҳир Олим Камолзода нашр хоҳад шуд.
Бояд тазаккур дод, ки миниатюра – равияи қадимии санъати рассомии форсизабонон буда, мардуми тоҷик ифтихор аз он дорад, ки меросбари ин навъи нодири ҳунар аст. Фарзанди бузурги миллати тоҷик Камолиддин Беҳзод яке аз бузургтарин рассомони миниатюра дар ҷаҳон аст, ки ӯро дар Шарқ бо номи «Монии сонӣ» ва дар Ғарб бо номи «Рафоэли Шарқ» эътироф намудаанд.
Санъати миниатюра соли 2020 ба Рӯйхати мероси фарҳангии ғайримоддии башарии ЮНЕСКО шомил карда шуд.
АКС аз манбаъҳои боз
«БО ХУНИ ДИЛ». Дар доираи Рӯзҳои фарҳанги Беларус дар Тоҷикистон намоишгоҳи мустанади адабӣ доир шуд
РӮЗҲОИ СИНАМОИ БЕЛАРУС. Филми «Орзуи қаҳрамон» дар бораи яке аз қаҳрамонҳои миллии Беларус қисса намуд
Рӯзҳои фарҳанги Ҷумҳурии Беларус дар Ҷумҳурии Тоҷикистон идома доранд
Доир ба иҷрои «Барномаи давлатии тайёр кардани кадрҳои сатҳи баланди илмӣ барои солҳои 2021-2030» ҷаласа баргузор шуд
Имрӯз Рӯзҳои синамои Беларус оғоз меёбанд
Дар Тоҷикистон Рӯзҳои фарҳанги Ҷумҳурии Беларус оғоз мешаванд
Дар Тоҷикистон Рӯзҳои синамои Беларус доир мегарданд
Нахустин Парчами давлатии Ҷумҳурии Тоҷикистон дар Осорхонаи миллӣ ҳифз ва муаррифӣ мешавад
Кормандони Академияи миллии илмҳои Тоҷикистон бахшида ба Рӯзи Парчами давлатӣ роҳпаймоӣ ташкил намуданд
«Парчами Тоҷикистон дар қитъаи Антарктида». Бахшида ба Рӯзи Парчами давлатӣ китоби олими тоҷик ба нашр мерасад
Ғолибони Фестивал-озмуни «Вассофи-Ватан» қадрдонӣ гардиданд
Бозиҳои 18-уми Делфии ҷавонони кишварҳои аъзои Иттиҳоди Давлатҳои Мустақил оғоз гардид
