ОБУ ҲАВО. Дар ноҳияҳои водӣ-доманакӯҳии Тоҷикистон ҳаво рӯзона то 13 дараҷа хунук мешавад

Январь 13, 2023 08:10

ДУШАНБЕ, 13.01.2023. /АМИТ «Ховар»/.  Аз 13 то 16 январ дар бештари ноҳияҳои водӣ-доманакӯҳии ҷумҳурӣ ҳаво шабона то 24 дараҷа хунук ва рӯзона то 13 дараҷа  хунук шуда, дар шоҳроҳҳои минтақаҳои кӯҳии ҷумҳурӣ яхбандӣ боқӣ мемонад, иттилоъ доданд ба АМИТ «Ховар» дар Агентии обуҳавошиносии Тоҷикистон.

Имрӯз дар Вилояти Мухтори Кӯҳистони Бадахшон ҳаво қисман абрнок, асосан бебориш пешгӯӣ шуда, танҳо дар баъзе минтақаҳои шарқии вилоят боришоти сусти барф ба амал меояд. Шамол аз самти ғарб бо суръати 5-10   метр дар як сония мевазад. Ҳаво дар ғарби вилоят шабона 12-17 дараҷа хунук, рӯзона аз 6-11 дараҷа хунук, дар шарқи вилоят шабона 13-18 дараҷа хунук, рӯзона 6-11  дараҷа хунук мешавад.

Дар вилояти Суғд ҳаво тағйирёбандаи бебориш пешгӯӣ шуда, дар баъзе ноҳияҳо тормеғ мефарояд. Шамол аз самти ғарб бо суръати 5-10 метр дар як сония мевазад. Ҳаво дар водиҳо шабона 15-20 дараҷа хунук, рӯзона 9-14 дараҷа хунук, дар ноҳияҳои кӯҳӣ шабона 21-26 дараҷа хунук, рӯзона 13-18 дараҷа хунук мешавад.

Дар вилояти Хатлон ҳаво тағйирёбандаи бебориш дар назар буда, дар ноҳияҳои алоҳида тормеғ мефарояд. Шамол аз самти ғарб бо суръати 4-9 метр дар як сония мевазад. Ҳаво дар водиҳо шабона аз 17 то 22 дараҷа хунук, рӯзона 7-12 дараҷа хунук, дар доманакӯҳҳо шабона 20-25 дараҷа хунук, рӯзона 10-15 дараҷа хунук мешавад.

Дар шаҳру ноҳияҳои тобеи марказ ҳаво тағйирёбандаи бебориш пешгӯӣ шуда, дар баъзе ноҳияҳо тормеғ мефарояд. Шамол аз самти ғарб бо суръати 4-9 метр дар як сония мевазад. Ҳаво дар водиҳо шабона  16-21 дараҷа хунук, рӯзона 10-15 дараҷа хунук, дар ноҳияҳои кӯҳӣ шабона 17-22 дараҷа хунук,  рӯзона 17-17 дараҷа хунук мешавад.

Дар Душанбе ҳавои тағйирёбандаи бебориш дар назар буда, тормеғ мефарояд. Шамол аз самти ғарб бо суръати 4-9 метр дар як сония мевазад. Ҳаво шабона 17-19 дараҷа хунук, рӯзона 12-14 дараҷа хунук мешавад.

Январь 13, 2023 08:10

Хабарҳои дигари ин бахш

Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид