30-СОЛАГИИ ҚУВВАҲОИ МУСАЛЛАҲ. Донишҷӯёни Коллеҷи тиббии шаҳри Ҳисор бо ҷараёни хизмати сарбозон шинос шуданд
ҲИСОР, 16.02.2023 /АМИТ «Ховар»/. Ба ифтихори ҷашни 30-солагии таъсиси Қувваҳои Мусаллаҳи Ҷумҳурии Тоҷикистон донишҷӯёни Муассисаи давлатии таълимии «Коллеҷи тиббии шаҳри Ҳисор» дар ҳамкорӣ бо бахши кор бо ҷавонон ва варзиши шаҳр дар қисми низомии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, воқеъ дар шаҳри Ҳисор бо ҳаёти сарбозону хизматчиёни ҳарбии қисми низомӣ шинос гардиданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии шаҳри Ҳисор иттилоъ доданд.
Донишҷӯёни Коллеҷи тиббӣ дар аввал бо шароити хобгоҳу ошхона ва ҳуҷраҳои таълимию машқи сарбозон шинос шуданд.
Сипас, сарбозон мусобиқаи ҳарбӣ доир карда, маҳорати хешро дар мавриди ба қисмҳо ҷудо кардани автомат ва дигар намуди яроқҳо бо чолокии махсус намоиш доданд. Донишҷӯёни Коллеҷи тиббӣ баҳри болидахотирии сарбозон барномаи ҷолиби фарҳангӣ пешниҳод намуданд.
Мақомоти иҷроияи ҳокимияти давлатии шаҳри Ҳисор баҳри иртиботи доимӣ ва шиносоӣ бо шароити будубоши афсарону сарбозон дар қисмҳои низомӣ ҳайати устодону донишҷӯёни литсею коллеҷҳои шаҳр, хонандагони синфҳои болоии муассисаҳои таълимиро ба қисмҳои низомӣ ҷалб намуда, барномаҳои ҳарбӣ- ватандӯстӣ, варзишию фарҳангӣ ва аксияҳои тозагию ободонӣ баргузор менамояд.
Ҳамзамон дар асоси супориши Раиси шаҳри Ҳисор масъулин муваззаф шудаанд, ки дар як моҳ на камтар аз ду маротиба аз қисмҳои низомӣ боздид карда, ба ҳалли мушкилоти аскарону афсарон мусоидат намоянд. Дар рӯзҳои идҳои миллӣ дар қисмҳои низомӣ барои сарбозон дастархон ороста, барномаҳои фарҳангӣ-фароғатӣ ташкил намоянд.
АКС: Мақомоти иҷроияи ҳокимияти давлатии шаҳри Ҳисор
«Барномаи миллии бехатарии авиатсияи граждании Ҷумҳурии Тоҷикистон барои солҳои 2026-2030» қабул гардид
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
