30-СОЛАГИИ ҚУВВАҲОИ МУСАЛЛАҲ. Вакили Маҷлиси вакилони халқи шаҳри Душанбе Маҳмудҷон Муродов барои сарбозону афсарони Вазорати мудофиа чорабинии идона баргузор кард
ДУШАНБЕ, 22.02.2022 /АМИТ «Ховар»/. Имрӯз дар шаҳри Душанбе бахшида ба 30-солагии таъсиси Қувваҳои Мусаллаҳи Ҷумҳурии Тоҷикистон бо иштироки 1850 нафар сарбозону афсарони Вазорати мудофиаи Ҷумҳурии Тоҷикистон чорабинии идона баргузор гардид, хабар медиҳад АМИТ «Ховар».
Чорабании мазкур дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар пайравӣ ба ташаббусу иқдомҳои инсондӯстонаву хайрхоҳонаи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ аз ҷониби соҳибкор, роҳбари Ҷамъияти дорои масъулияти маҳдуди «Сарманзил», аъзои Ҳизби Халкии Демократии Тоҷикистон ва вакили Маҷлиси вакилони халқи шаҳри Душанбе Маҳмудҷон Муродов доир карда шуд.
Аз ҷумла барои 1100 нафар сарбозону афсарони Бригадаи ҳамлаовари десантии Қӯшунҳои зудамали Қувваҳои Мусаллаҳи Ҷумҳурии Тоҷикистон ва барои 750 нафар сарбозону афсарони Вазорати мудофиаи Ҷумҳурии Тоҷикистон дастархони идона ороста шуд.
Роҳбари ҶДММ «Сарманзил» тасмим гирифт, ки ба истиқболи 35-солагии Истиқлолияти давлатии Ҷумҳурии Тоҷикистон дар Бригадаи ҳамлаовари десантии Қӯшунҳои зудамали Қувваҳои Мусаллаҳ дар байни 2 бинои мавҷудаи хобгоҳи сарбозон бинои нав барои 200 нафар бо тамоми шароит сохта, ба истифода диҳад ва ҳамзамон дар баробари он ду бинои мавҷударо пурра таъмиру болопӯш карда, бо таҷҳизоти муосири гармидиҳӣ таъмин намояд.
Зимни чорабинӣ вакили Маҷлиси вакилони халқи шаҳри Душанбе аз ҷониби роҳбарияти Вазорати мудофиаи Ҷумҳурии Тоҷикистон бо медали ҷашнии «30-солагии Қувваҳои Мусаллаҳи Ҷумҳурии Тоҷикистон» сарфароз гардонида шуд.
Мавриди тазаккур аст, ки дар асоси ҳидоятҳои роҳбарияти давлат ва Ҳукумати Ҷумҳурии Тоҷикистон ва мақомоти иҷроияи ҳокимияти давлатии шаҳри Душанбе соҳибкор Маҳмудҷон Муродов пайваста дар корҳои ободонию созандагӣ, кумак намудан ба ятимону барҷомондагон, беморон, шахсони ниёзманду имконияташон маҳдуд ва сарбозону афсарони Қувваҳои Мусаллаҳ саҳми муносиб мегузорад.
Рустам ҶАМИЛЗОДА,
Тоҳир САИД (АКС),
АМИТ «Ховар»
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
