Ҳайати Федератсияи иттифоқҳои касабаи мустақили Тоҷикистон дар конференсияи иттифоқҳои касабаи Озарбойҷон иштирок намуд
ДУШАНБЕ, 09.02.2023 /АМИТ«Ховар»/. 7-8 феврал дар шаҳри Бокуи Ҷумҳурии Озарбойҷон бо ибтикори Конфедератсияи иттифоқҳои касабаи Озарбойҷон дар мавзӯи «Ояндаи Иттифоқҳои касаба – дурнамо ва афзалият» конференсияи байналмилалӣ баргузор гардид. Дар ин хусус АМИТ «Ховар» бо истинод ба Федератсияи иттифоқҳои касабаи мустақили Тоҷикистон хабар медиҳад.
Дар доираи иҷрои бандҳои Ёддошти тафоҳум оид ба ҳамкорӣ байни Иттифоқҳои касабаи Ҷумҳурии Тоҷикистон ва Ҷумҳурии Озарбойҷон Раиси Федератсияи иттифоқҳои касабаи мустақили Тоҷикистон Маликшо Неъматзода дар конференсияи мазкур иштирок намуд.
Дар конференсия ҳамчунин намояндагони Иттифоқҳои касабаи 25 давлат, Ташкилоти байналмилалии меҳнат, Конфедератсияи байналмилалии иттифоқҳои касаба ва мақомоти дахлдори Озарбойҷон иштирок доштанд.
Дар доираи сафари ҳайати Тоҷикистон бо ҷониби Озорбойҷон, Туркия, Узбекистон, Туркманистон, Гурҷистон, Молдова ва Ташкилоти байналмилалии меҳнат ва мулоқоту вохӯриҳои корӣ доир шуда, масоили рушди ҳамкории минбаъдаи дуҷониба ва ҳамкорӣ дар доираи созмонҳои минтақавӣ ва байналмилалии соҳавӣ баррасӣ гардид.
Бо қарори Шӯрои генералии Федератсияи иттифоқҳои касабаи мустақили Тоҷикистон барои саҳми муносиб дар рушди ҳамкории дуҷониба Раиси Конфедератсияи иттифоқҳои касабаи Озарбойҷон Саттор Меҳбалиев бо Нишони Фахрии иттифоқҳои касабаи Тоҷикистон «Барои меҳнати шоён» сарфароз гардонида шуд.
София ШОИК,
АМИТ «Ховар»
АКС: Федератсияи иттифоқҳои касабаи мустақили Тоҷикистон
Шаҳрвандони Тоҷикистон метавонанд дар муассисаҳои таҳсилоти касбии Олмон таҳсил намоянд
ЗИҲӢ САРВАР, ЯТИМОНРО ПУШТИБОНУ ЁВАР!!!
15-18 июл дар Тоҷикистон Мактаби тобистонаи таълими ҳуқуқи инсон баргузор мегардад
Дар Филиппин Форуми байналмилалии тандурустӣ баргузор гардид
Дар ноҳияи Рӯшон оид ба истифодаи сарфакоронаи неруи барқ вохӯрӣ доир гардид
Аз 9 то 13 июл дар Тоҷикистон ҳарорати ҳаво то 5 дараҷа паст мешавад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи иҷтимоӣ ба имзо расид
ИМРӮЗ — РӮЗИ МАЪЮБОН. Дар Тоҷикистон заминаи ҳуқуқии ҳифзи иҷтимоии маъюбон фароҳам оварда шудааст
Пагоҳ дар баъзе аз кӯчаҳои Душанбе ҳаракати воситаҳои нақлиёт муваққатан қатъ мегардад
Дар Душанбе вобаста ба ҳимояи ҳуқуқи инсон дар шароити рақамикунонӣ ҳамоиш баргузор шуд
Гурӯҳи корӣ бо рафти корҳои сохтмонии манзилҳои аз офати табиӣ зарардидаи ноҳияҳои Рашт ва Тоҷикобод шинос гардид
Дар Тоҷикистон доир ба пардохти кумакҳои унвонии иҷтимоӣ давраи омӯзишӣ ҷараён дорад
