БАХШИДА БА СОЛҲОИ РУШДИ САНОАТ. Дар шаҳри Норак 20 корхонаи саноатию истеҳсолӣ ба истифода дода мешавад
НОРАК, 13.02.2023. /АМИТ «Ховар»/. Бахшида ба Солҳои рушди саноат (2022-2026) ҷиҳати саноатикунонии шаҳри Норак соли 2022 аз тарафи соҳибкорони шаҳр корхонаи истеҳсоли “Микросемент”, корхонаи истеҳсоли коркарди сангҳои ороишӣ, коргоҳи маҳсулоти маводи сохтмонӣ, коргоҳи истеҳсоли гаҷи картон ва коргоҳи истеҳсоли қуму шағал бо таъсиси 142 ҷойи кори доимӣ сохта, ба истифода дода шуданд. Соли 2022 корхонаҳои саноатии шаҳр ба маблағи 1,6 миллиард сомонӣ маҳсулот истеҳсол намуданд, ки нисбат ба соли 2021 101,5 миллион сомнӣ зиёд мебошад. Чунин иттилоъ дода шуд ба хабарнигорон зимни нишасти матбуотии Мақомоти иҷроияи ҳокимияти давлатии шаҳри Норак.
Ҳамзамон зимни нишасти матбуотӣ гуфта шуд, ки дар шаҳри Норак ба ифтихори ҷашни бузурги 35-солагии Истиқлоли давлатӣ бунёд ва ба истифода додани 180 иншоот, аз қабили 8 адад бинои маъмурӣ, 8 адад муассисаи таълимӣ, 6 адад муассисаи табобатӣ, 5 адад майдончаи варзишӣ, 20 адад корхонаю коргоҳи саноатӣ ва 131 адад иншооти хизматрасонию сайёҳӣ ба нақша гирифта шудааст.
То имрӯз 30 иншоот мавриди баҳрабардорӣ қарор дода шуда, дар 120 иншооти гуногун корҳои сохтмонию навсозӣ оғоз гардидаанд. Ҳамчунин дар корхонаи истеҳсоли хишти пухта корҳои тахту ҳамворнамоӣ иҷро гардида, насбу васли таҷҳизот идома дорад. Он дар кӯтоҳтарин муҳлат ба фаъолият оғоз менамояд.
Субҳониддини МАҲМУД,
АМИТ «Ховар»
АКС: АМИТ «Ховар»
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Дӯстӣ майдончаи варзишӣ барои бозии футбол ифтитоҳ гардид
Дар ноҳияи Бобоҷон Ғафуров корхонаи истеҳсоли равған сохта мешавад
Дар Душанбе рӯзҳои фарҳанги ноҳияҳои Айнӣ, Хуросон, Деваштич, Шаҳристон, Данғара ва Кӯҳистони Мастчоҳ баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ мумфаршсозии роҳҳо оғоз гардид
Дар ноҳияи Рашт бинои нави фурудгоҳ бунёд карда мешавад
СОЛИ ОБОДОНИЮ СОЗАНДАГӢ. Дар ноҳияи Кӯшониён муассисаҳои таълимӣ бунёд мегарданд
Дар Хоруғ 72 лоиҳаи сармоягузорӣ ба беҳтарсозии инфрасохтори маҳаллаҳо равона мешавад
Дар ноҳияи Нуробод намоиши сайёри «Инъикоси обу пирях дар асарҳои рассомони Тоҷикистон» ифтитоҳ гардид
Аз водии Рашт то Искандаркӯл: мақомоти шаҳри Душанбе бо ташкили хатсайрҳои сайёҳӣ рушди сайёҳии дохилиро тақвият мебахшад
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор бинои замонавии муассисаи таълимӣ сохта мешавад
