Дар Донишгоҳи технологии Тоҷикистон ду ихтисоси нав- «зеҳни сунъӣ» ва «баҳисобгирии бухгалтерӣ, таҳлил ва аудит дар саноат» ҷорӣ карда шуд
ДУШАНБЕ, 03.02.2023 /АМИТ «Ховар»/. Бо назардошти раванди рақамикунонии иқтисодиёти мамлакат, талаботи муосири бозори меҳнат ва таклифу пешниҳоди кордиҳандагони Донишгоҳи технологии Тоҷикистон соли сипаригардида дар донишгоҳ ду ихтисоси нав- «зеҳни сунъӣ» ва «баҳисобгирии бухгалтерӣ, таҳлил ва аудит дар саноат» ҷорӣ ва соҳиби иҷозатнома гардида, аз сентябри соли 2022 ба курси аввали ихисосҳои нав донишҷӯён қабул гардиданд. Ректори Донишгоҳи технологии Тоҷикистон Илҳом Амонзода имрӯз дар ҷараёни нишасти матбуотӣ ба хабарнигорон дар ин хусус иттилоъ дод.
Номбурда доир ба фаъолияти донишгоҳ дар соли гузашта, сатҳу сифати таълим, раванди корҳои тарбиявӣ дар донишгоҳ, рушди таҳқиқоти илмӣ ва истифодаи амалии онҳо, тақвияти базаи моддию техникӣ, истифодаи техникаи иттилоотию коммуникатсионӣ, бозомӯзии касбии кормандон ва ҳамкории байналмилалии донишгоҳ ба хабарнигорон гузориши муфассал дод.
Мавсуф иброз дошт, ки «ҳоло дар Донишгоҳи технологии Тоҷикистон, ки яке аз донишгоҳҳои калидӣ дар самти омода намудани мутахассисони ҳирфаӣ барои рушди соҳаҳои саноат, технология ва дар маҷмӯъ бозори меҳнати мамлакат маҳсуб мешавад, 8 факулта, 20 кафедра, 2 марказ, инчунин филиали донишгоҳ дар шаҳри Исфара ва Литсейи инноватсионии «Душанбе» фаъолият доранд. Дар донишгоҳ 255 гурӯҳи академӣ мавҷуданд, ки таълим дар 172 гурӯҳ ба забони тоҷикӣ, дар 79 гурӯҳ ба забони русӣ ва дар 4 гурӯҳ ба забони англисӣ мебошад. Инчунин дар шашмоҳаи аввали соли таҳсил тадриси 400 фанни таълимӣ ва дар нимсолаи дуюм 336 фанни таълимӣ пешбинӣ гардидааст».
Таъкид гардид, ки роҳбарияти донишгоҳ ба ҷобаҷогузорӣ ва бозомӯзии кадрҳо, раванди таълим, хусусан баланд бароштани сатҳу сифати он таваҷҷуҳи махсус зоҳир менамояд. Ҳайати устодону профессорони Донишгоҳи технологии Тоҷикистон дар маҷмӯъ 178 нафарро ташкил медиҳад, ки аз он 12 нафарро докторони илм ва 100 нафарро номзадҳои илм ташкил медиҳанд. Ҳиссаи омӯзгорони дорои дараҷа ва унвони илмӣ дар донишгоҳ ба 62,9 фоиз баробар мебошад, ки ба талаботи меъёрии муассисаҳои таҳсилоти олии касбӣ ҷавобгӯ мебошад.
Марзия САИДЗОДА,
АМИТ «Ховар»
АКС: АМИТ «Ховар»
1 июл даври асосии Имтиҳонҳои марказонидаи дохилшавӣ оғоз мегардад
Барои иштирок дар даври асосии Имтиҳонҳои марказонидаи дохилшавӣ беш аз 112 ҳазор нафар довталаб номнавис карда шуд
Аҳлиддин Ибодуллозода: «Тарбияи насли нави ваҳдатофару ваҳдатсаро аз омӯзгорон – меъморони руҳи инсон вобаста аст»
«БЕҲТАРИН ОМӮЗГОР». Фотима Сайдализода дар Озмуни байналмилалии таҳқиқотӣ сазовори дипломи дараҷаи I гардид
Марҳалаи якуми озмуни довталабон барои дарёфти Стипендияи байналмилалии «Дурахшандагон» доир гардид
Байни Донишгоҳи давлатии Бохтар ва Донишгоҳи забонҳои хориҷии Сиани Чин Ёддошти тафоҳум ба имзо расид
Ҳамкорӣ байни муассисаҳои таҳсилоти олии Тоҷикистон ва Узбекистон таҳким меёбад
Дар шаҳри Хуҷанд ғолибони олипиадаҳо ва омӯзгорони беҳтарин қадршиносӣ шуданд
Донишгоҳи давлатии ҳуқуқ, бизнес ва сиёсати Тоҷикистон бо Донишгоҳи давлатии забонҳои хориҷии Сиани Чин лоиҳаҳои инноватсиониро амалӣ менамоянд
Устодони Донишгоҳи техникии Тоҷикистон дар Форуми табодули истеъдодҳои Осиёи Марказӣ иштирок доранд
«Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид
Таҳти унвони «Эмомалӣ Раҳмон — қаҳрамони ваҳдати тоҷикон» дар Донишгоҳи давлатии омӯзгории Тоҷикистон ҳамоиш доир шуд
