Дар Иттифоқи «Тоҷикматлубот» барои муайян кардани ҳаҷми талафи маҳсулоти захирашуда ситоди махсус ташкил карда шудааст
ДУШАНБЕ, 06.02.2023 /АМИТ«Ховар»/. Талафоти маҳсулоти захирашуда дар сардхонаву анборҳо аз сардиҳои зимистони имсола тақрибан 20 фоизро ташкил медиҳад. Бо ин мақсад дар Иттифоқи «Тоҷикматлубот» барои муайян кардани ҳаҷми хисороти расида ситоди махсус ташкил карда шудааст, ки ҳамин ҳафта ба ҳисоб кардани зарар шурӯъ мекунад. Дар ин хусус имрӯз муовини Раиси Раёсати Иттифоқи «Тоҷикматлубот» Хуршед Раҳмонализода зимни нишасти матбуотӣ ба хабарнигорон иттилоъ дод.
Мавсуф иброз дошт, ки ҷиҳати иҷрои Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2022-2023» дар анбору сардхонаҳои Раёсати Иттифоқи «Тоҷикматлубот» дар ҳамкорӣ бо соҳибкорон 1625 тонна пиёз, 680 тонна картошка, 100 тонна сабзӣ ва 300 тонна мева, инчунин 180 тонна ангишт низ захира карда шудааст.
«Захиракунии маҳсулот амалест, ки дар мавридҳои зиёд аз вай фоида дидан мушкил аст, чунки асоси захира- ин қонеъ кардани талабот ва андешидани тадбирҳо барои он аст, ки маҳсулот бо нархи нисбат ба бозор арзонтар дастраси мардум карда шавад. Мутаассифона, имсол маҳсулоти дар анбору сардхонаҳо захира кардаи мо тақрибан 20 фоиз талаф ёфт», — гуфт Хуршед Раҳмонализода.
Номбурда таъкид кард, ки ҳоло дар бозорҳо нуқтаҳои фурӯши маҳсулоти кишоварзии «Тоҷикматлубот» мавҷуданд, ки дар онҳо як кило пиёз бо нархи 3,5 сомонӣ фурӯхта мешавад.
Ҳамзамон дар нишасти матбуотӣ иттилоъ дода шуд, ки дар давраи ҳисоботӣ барои захираи маҳсулоти кишоварзӣ 45 анбор, инчунин 3 сардхона дар ноҳияи Фирдавсии шаҳри Душанбе, ноҳияи Бобоҷон Ғафуров ва шаҳри Исфара фаъолият намуданд.
София ШОИК,
АМИТ «Ховар»
АКС: «Ховар»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
