Дороиҳои «Амонатбонк» 42,8 фоиз афзоиш ёфтаанд
ДУШАНБЕ, 06.02.2023 /АМИТ «Ховар»/. Бонки давлатии амонатгузории Ҷумҳурии Тоҷикистон «Амонатбонк» дар раванди саҳмгузорӣ дар татбиқи сиёсати иқтисодиёти рақамӣ ва тақвияти хизматрасониҳои ғайринақдӣ 683 нуқтаи қабули маблағҳои коммуналӣ ва 372 нуқтаи қабули маблағҳои андоз ва пардохтҳои ҳатмиро ба роҳ монда, 822 адад QR –рамз ва 656 постерминалҳоро дар муассисаҳои давлатӣ, нуқтаҳои савдо ва хизматрасонӣ насб намудааст. Дар ин хусус роҳбарияти Бонки давлатии амонатгузории Ҷумҳурии Тоҷикистон «Амонатбонк» имрӯз дар нишасти матбуотӣ ба хабарнигорони ватанию хориҷӣ иттилоъ дод.
Тавре гуфта шуд, кормандони «Амонатбонк», ки шумораи умумиашон қариб се ҳазор нафарро ташкил медиҳад, ба 25 ҳазор корхонаю ташкилот, беш аз 784 ҳазор нафар нафақагирони мақомоти ҳифзи ҳуқуқ, ҳифзи иҷтимоии аҳолӣ ва беш аз 1,8 миллион нафар амонатгузорон тавассути 75 филиал ва 547 маркази хизматрасонии бонкӣ хизмат расонидаанд.
Соли гузашта дороиҳои бонк 6,3 миллиард сомонӣ ва уҳдадориҳои бонк 5,6 миллиард сомониро ташкил доданд, ки нисбат ба соли 2021 мутаносибан 42,8% ва 45,4 % зиёд мебошанд.
Ҳамзамон таъкид гардид, ки сармояи «Амонатбонк» ба 720,5 миллион сомонӣ расида, дар муқоиса бо соли 2021 25,2 фоиз афзоиш ёфтааст. Фоидаи софи бонк 101,6 миллион сомониро ташкил дод, ки дар қиёс ба соли 2021 53,5 фоиз зиёд мебошад.
Марзия САИДЗОДА,
АМИТ «Ховар»
АКС: АМИТ «Ховар»
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
ҚУРБИ АСЪОР: дар Тоҷикистон 1 рубли русӣ аз 0.1263 то 0.1235 сомонӣ муқаррар шудааст
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад
