Филиали Донишгоҳи давлатии Москва дар Душанбе Маркази мониторинги бо кор таъмин намудани хатмкунандагонро таъсис медиҳад
ДУШАНБЕ, 16.02.2023 /АМИТ «Ховар»/. Дар филиали Донишгоҳи давлатии Москва ба номи М. Ломоносов дар шаҳри Душанбе таъсиси Маркази мониторинги бо кор таъмин намудани хатмкунандагон ба нақша гирифта шудааст, чунин иттилоъ дод Директори филиали Донишгоҳи мазкур Рустам Ғаниев имрӯз зимни нишасти матбуотӣ оид ба ҷамъбасти фаъолият дар соли 2022.
Ба гуфти мавсуф, соли 2022 як лоиҳаи байналмилалӣ дар асоси барномаи Эразмус+ (барномаи Иттиҳоди Аврупо оид ба маориф, касбомӯзӣ, ҷавонон ва варзиш) амалӣ гардид. Ҳадафи он фаъолгардонии усулҳои инноватсионӣ ва малакаҳои соҳибкории донишҷӯён бо роҳи ташкили шароит барои вусъат додани имконияти бо кор таъмин шудани хатмкунандагон дар Осиёи Марказӣ мебошад.
Дар нишаст иттилоъ дода шуд, ки дар филиал 34 нафар донишҷӯёни хориҷӣ таҳсил намуда истодаанд. Соли гузашта байни филиали мазкур ва донишгоҳҳо, марказҳои илмӣ, ташкилоти тиҷоратии Тоҷикистон, Федератсияи Русия, Узбекистон, Беларус 10 шартнома ба имзо расонида шуд.
Иброз гардид, ки яке аз вазифаҳои филиал дар доираи низоми таҳсилоти байналмилалӣ таълими забони русӣ мебошад. Аз соли 2014 инҷониб дар назди филиал Маркази локалии омодагӣ ва тестии шаҳрвандони Ҷумҳурии Тоҷикистон амал мекунад.
Шаҳрвандони хориҷӣ низ барои гирифтани Сертификат оид ба донистани забони русӣ, таърихи Русия ва асосҳои қонунгузории Федератсияи Руссия ба ин марказ муроҷиат мекунанд.
Соли сипаришуда аз тарафи Маркази локалии тестӣ 38 сессияи тестӣ гузаронида шуд, ки аз онҳо 210 нафар гузаштанд.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Корманди Донишгоҳи давлатии омӯзгории Тоҷикистон соҳиби ҷоизаи «Мутахассиси муносибатҳои байналмилалии сол –2025» гардид
Ғолибони «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» муайян гардиданд
Дар Донишгоҳи техникии Тоҷикистон оид ба шарҳи Паёми Президенти Тоҷикистон ба Маҷлиси Олӣ ҳамоиш доир шуд
Дар Донишгоҳи давлатии Бохтар татбиқи технологияҳои муосири рақамӣ ва алгоритмҳои зеҳни сунъӣ баррасӣ гардид
Қабули Қонуни Ҷумҳурии Тоҷикистон «Дар бораи мақоми омӯзгор» рамзи эҳтиром ба заҳмати омӯзгор аст
Дар Донишгоҳи давлатии Кӯлоб бахшида ба Паёми Президенти Тоҷикистон ба Маҷлиси Олӣ ҳамоиш баргузор шуд
ҚОНУН «ДАР БОРАИ МАҚОМИ ОМӮЗГОР». Қабули он далели таваҷҷуҳи рӯзафзуни Ҳукумати Тоҷикистон нисбат ба тарбиятгарони насли наврас аст
Дар Донишгоҳи байналмилалии сайёҳӣ ва соҳибкории Тоҷикистон олимпиадаи хонандагони синфҳои 11 оғоз гардид
ТАВАҶҶУҲИ ХОССА БА СОҲАИ МАОРИФ ДАР ПАЁМИ ПРЕЗИДЕНТИ ҶУМҲУРИИ ТОҶИКИСТОН. Андешаҳо дар мавриди самтҳои асосии ин соҳаи муҳим
Густариши ҳамкории илмии Донишгоҳи давлатии ҳуқуқ, бизнес ва сиёсати Тоҷикистон бо донишгоҳҳои Корея баррасӣ шуд
Байни Маркази ҷумҳуриявии дарёфт ва рушди истеъдодҳо ва ширкати академии «Bright»-и Шоҳигарии Камбоҷа Ёддошти тафоҳум имзо гардид
НИЗОМИ ДУВОЗДАҲСОЛАИ ТАЪЛИМ. Дар Тоҷикистон барои гузариш ба он омодагӣ мебинанд
