«Georgian Airways» моҳи апрел дар масири Тифлис-Душанбе-Тифлис роҳи ҳавоӣ боз менамояд
ДУШАНБЕ, 01.02.2023 /АМИТ «Ховар»/. «Georgian Airways» — ширкати ҳавопаймоии Гурҷистон аввалин шуда, аз байни давлатҳои минтақаи Қафқоз тасмим гирифтааст аз Гурҷистон ба Тоҷикистон дар масири Тифлис-Душанбе-Тифлис шурӯъ аз моҳи апрели соли 2023 роҳи ҳавоӣ боз намояд. Дар ин хусус имрӯз дар нишасти хабарӣ Директори Агентии авиатсияи граждании назди Ҳукумати Ҷумҳурии Тоҷикистон Дилшод Сафарзода иттилоъ дод.
Дилшод Сафарзода гуфт, ки нисбат ба ин масъала моҳи феврал ҳайати намояндагони мақомоти авиатсионии Тоҷикистон ва Гурҷистон гуфтушунид менамоянд.
Ҳамзамон Директори Агентии авиатсияи граждании назди Ҳукумати мамлакат хабар дод, ки дар оянда байни Тоҷикистон ва Покистон, инчунин Арабистони Саудӣ парвозҳои мустақими ҳавоӣ ташкил карда мешавад.
Бояд тазаккур дод, ки дар асоси Ёддошти тафоҳум байни Ҷумҳурии Тоҷикистон ва Давлати Кувайт, ки моҳи сентябри соли 2022 дар шаҳри Душанбе ба имзо расида буд, 29 декабри соли гузашта нахустин парвози ҳавопаймои ширкати кувайтии «Jazeera Airwaus» дар хатсайри Кувайт-Душанбе-Кувайт ба роҳ монда шуд.
Ширкати кувайтии ҳавопаймоии «Jazeera Airwaus» дар як ҳафта ду парвозро дар масири Кувайт-Душанбе-Кувайт анҷом медиҳад, ки он дар таҳкими муносибатҳои дуҷонибаи Тоҷикистон ва Кувайт, хусусан дар бахши иқтисоду тиҷорат ва сайёҳӣ заминаи мусоид фароҳам меорад.
Марзия САИДЗОДА,
АМИТ «Ховар»
АКС: АМИТ «Ховар
Соли 2025 аз ҳисоби андозҳо ва пардохтҳои дохилӣ ба буҷети давлатӣ 26,5 миллиард сомонӣ маблағ ворид гардид
Президенти Тоҷикистон Эмомалӣ Раҳмон: «Масъалаи захираи дусолаи маводи хӯрокворӣ дар ҳар оила нисбат ба ҳарвақта мубрамтар мегардад»
Дар Душанбе Конференсияи I байналмилалӣ оид ба масъалаҳои молия ва баҳисобгирӣ баргузор шуд
Соли 2025 табиати афсонавӣ ва чашмаҳои шифобахши Бадахшонро беш аз 51 ҳазор сайёҳ тамошо намуданд
Ҳайати Тоҷикистон дар Саммити зеҳни сунъӣ дар Деҳлии Нав иштирок менамояд
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
