«ИФФАТИ ЗАН». Таҳти ин унвон дар шаҳри Кӯлоб ҳамоиш доир карда шуд

Февраль 19, 2023 16:19

ДУШАНБЕ, 19.02.2023. /АМИТ «Ховар»/. Дар Мақомоти иҷроияи ҳокимияти давлатии шаҳри Кӯлоб дар доираи «Барномаи рушди оила» бо иштироки занону духтарони фаъоли шаҳр таҳти унвони «Иффати зан» ҳамоиш доир гардид. Дар ин хусус ба мухбири минтақавии АМИТ «Ховар» дар мақомоти мазкур хабар доданд.

Дар ҳамоиш иброз гардид, ки тоҷикон ба зебоии зан на аз рўи ҳусну ҷамолаш, балки аз доштани шарму ҳаё, иффату таҳаммулпазирӣ, маърифатнокӣ ва тарбиятгари фарзандони солеҳ буданаш баҳо медоданд.

Нотиқон таъкид намуданд, ки Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатиашон ба Маҷлиси Олии Ҷумҳурии Тоҷикистон оид ба нақши бонувон дар пешрафти ҷомеа барҳақ иброз доштанд, ки: «Мо, ҳамчунин ба нақши зан-модар, ки мавҷуди муқаддас мебошад, ҳамеша арҷ мегузорем, чунки ӯ насли инсонро ба вуҷуд меоварад, тарбия мекунад ва ба камол мерасонад».

Дар ҳамоиш инчунин дар мавзӯъҳои «Занон дар илми муосир», «Пошхӯрии оилаҳо ва таҳлили сабабҳои он», «Этика ва эстетика» ва дигар масоили ба ин самт вобаста маърӯзаҳо пешниҳод гардид.

Бояд гуфт, ки мақсад аз баргузор намудани чорабинии мазкур ин баланд бардоштани мавқеи зан дар ҷомеа ва ҳамчунин бартараф намудани камбудиҳои ҷойдошта дар оила, тарбияи насли наврас ва ҷомеаи имрӯза мебошад.

АКС: Мақомоти иҷроияи ҳокимияти давлатии шаҳри Кӯлоб

Февраль 19, 2023 16:19

Хабарҳои дигари ин бахш

Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд
Дар Ховалинг ҷаласаи Шурои директорони муассисаҳои таҳсилоти миёнаи касбӣ баргузор гардид
Дар Душанбе оид ба нақши зеҳни сунъӣ дар соҳаи тандурустӣ ҳамоиш доир гардид
МАСЛИҲАТИ МУТАХАССИС. Оё фарзанди шумо барои ба мактаб рафтан омода аст?
Тоҷикистон ва Амрико ҳамкориро дар соҳаи тандурустӣ тақвият медиҳанд
Дар Душанбе доир ба Истиқлоли давлатӣ ҳамчун рукни асосии идеологияи миллӣ ҳамоиши ҳизбиён баргузор шуд
Дар Балҷувон дар мавзуи «Сулҳу субот – омили рушди устувори соҳаи сайёҳӣ» вохӯрии судманд доир гардид
Ҳамкории Тоҷикистон бо Барномаи рушди СММ дар самти ҳифзи ҳуқуқи инсон муҳокима карда шуд
Муовини Сарвазири Тоҷикистон бо сохтмони маҳаллаи навбунёд дар деҳаи Зарангаки ноҳияи Рашт шинос шуд
Нақши занон дар мақомоти олии қонунгузории Тоҷикистон дар даврони соҳибистиқлолӣ назаррас аст