«ОИЛА – МАКОНИ МЕҲРУБОНӢ». Соли 2022 дар Тоҷикистон аз ҷониби Кумитаи кор бо занон ва оила чунин стратегияи коммуникатсионӣ таҳия карда шуд

Февраль 10, 2023 15:05

ДУШАНБЕ, 10.02.2023 /АМИТ«Ховар»/. Соли 2022 дар Тоҷикистон аз ҷониби Кумитаи кор бо занон ва оилаи ҷумҳурӣ «Стратегияи баҳисобгирӣ ва пешбурди масоили гендерӣ ҷиҳати тавсеаи дастрасии занон ба вазифаҳои роҳбарикунанда дар мақомоти салоҳиятдори Ҷумҳурии Тоҷикистон оид ба масъалаҳои рафъи зӯроварӣ нисбат ба занон ва духтарон барои давраи то соли 2030» ва «Стратегияи коммуникатсионии «Оила – макони меҳрубонӣ» таҳия карда шуданд. Дар ин хусус Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода имрӯз зимни нишасти матбуотӣ ба хабарнигорон иттилоъ дод.

Дар нишасти матбуотӣ гуфта шуд, ки дар айни замон дар 20 мақомоти марказӣ ва 16 мақомоти ҳокимияти давлатӣ ҳайати кормандон аз ҳисоби занон аз 30 нафар боло аст. Аз шумораи умумии хизматчиёни давлатӣ 25 фоиз, аз ҷумла кадрҳои роҳбарикунандаро қариб 20 фоиз занону бонувон ташкил медиҳанд.

Таъкид гардид, ки соли 2022 Кумитаи кор бо занон ва оила фаъолияташро дар доираи татбиқи 8 санади меъёрии ҳуқуқии соҳавӣ ва зиёда аз 40 консепсия, стратегия, барномаҳои давлатӣ ба роҳ монда, ҷиҳати таъмини иҷрои онҳо дар ҳамкорӣ бо вазорату идораҳо, ташкилоту муассисаҳо, шарикони рушд ва ҷомеаи шаҳрвандӣ чораҷӯӣ намуд.

«Дар ин давра, -гуфт Ҳилолбӣ Қурбонзода,- Кумита лоиҳаи қарори Ҳукумати Ҷумҳурии Тоҷикистон «Дар бораи Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023–2030»-ро таҳия намуд, ки он бо қарори Ҳукумати Ҷумҳурии Тоҷикистон аз 27 апрели соли 2022 тасдиқ шуда, ҳоло мавриди амал қарор дорад».

Ҳамзамон ба 38 лоиҳаи санадҳои меъёрии ҳуқуқӣ хулоса дода шуд.


Соли 2022 дар ҳамкорӣ бо Академияи идоракунии давлатии назди Президенти Ҷумҳурии Тоҷикистон 15 даври омӯзишӣ бо ҷалби 1319 нафар хизматчиёни давлатӣ, аз ҷумла 394 нафар занон доир карда шуд.

Бо мақсади ҷалби бештари духтарон ба хизмати давлатӣ ва сатҳи роҳбарикунанда 50 нафар донишҷӯдухтарони фаъолу аълохон ба марҳилаи дуюми даври омӯзишии шашмоҳаи «Мактаби сарварони ҷавон», ки аз 1 октябри соли 2022 то 20 майи соли 2023 идома дорад, ҷалб гардида, бо мақсади ҳавасмандгардонии донишҷӯдухтарон ба 20 нафар стипендияи Кумита дода шуд.

Масъалаи ба таҳсил фарогирии духтарон яке аз масъалаҳои рӯзмарра ба ҳисоб меравад.

Дар соли таҳсили 2021-2022 аз шумораи умумии 74 ҳазору 092 нафар духтарони синфи 9 бо назардошти ба муассисаҳои ибтидоӣ ва миёнаи касбӣ дохил шудани хатмкунандагон 60 ҳазору 378 ё 81,5% ба таҳсил фаро гирифта шуданд.

Таҳлилҳои 5 соли охир нишон медиҳанд, ки дохилшавии хатмкунандагони синфи 11 ба муассисаҳои таҳсилоти олӣ ва миёнаи касбӣ рӯ ба афзоиш ниҳодааст. Агар соли 2018 ин нишондиҳанда 35,8 фоизро ташкил дода бошад, соли 2022 он ба 46 фоиз расид.

София ШОИК,
АМИТ «Ховар»

АКС: «Ховар»

Февраль 10, 2023 15:05

Хабарҳои дигари ин бахш

Ҷамолиддин Абдуллозода ва Чин Ван Фечнао доир ба коркарди гиёҳҳои шифобахш мубодилаи афкор намуданд
Намояндагии Муассисаи федералии воҳиди давлатии «Хадамоти шиносномадиҳӣ ва раводид»-и Русия дар Тоҷикистон ифтитоҳ гардид
Дар ҷаласаи 28-уми Шурои роҳбарони мақомоти муҳоҷирати давлатҳои иштирокчии Иттиҳоди Давлатҳои Мустақил вазъи муҳоҷират баррасӣ шуд
Беҳтарин тараннумгарони Ватан муайян гардиданд
Душанбе мизбони ҷаласаи 28-уми Шурои роҳбарони мақомоти муҳоҷирати давлатҳои иштирокдори Иттиҳоди Давлатҳои Мустақил мегардад
ИМРӮЗ-РӮЗИ АДВОКАТҲО. Асоси ислоҳоти ниҳоди адвокатураи Тоҷикистонро Паёми Президенти Тоҷикистон ба Маҷлиси Олӣ ташкил медиҳад
«МАКТАБИ СИЁСИИ ПЕШВОИ МИЛЛАТ». Дар Кӯлоб Конференсияи IV байналмилалии илмӣ-назариявӣ баргузор гардид
Кумакҳои Пешвои миллат ба зарардидагони офати табиӣ дар ноҳияҳои Нуробод ва Рашт расиданд
Дар Душанбе бо иштироки беш аз 10 ҳазор ҷавони гуногункасб Рӯзи ҷавонони Тоҷикистон бошукуҳ таҷлил шуд
Дар Озарбойҷон оид ба масъалаҳои оила, занон ва кӯдакон дар самти баробарии гендерӣ Ёддошти тафоҳум оид ба ҳамкорӣ ба имзо расид
23 МАЙ — РӮЗИ ҶАВОНОНИ ТОҶИКИСТОН. Дар Бадахшон ҷаласаи Шурои кор бо ҷавонон доир шуд
Бахшида ба Рӯзи ҷавонони Тоҷикистон ҳамоиши занону духтарони шаҳри Душанбе баргузор гардид