Шабонарӯзи гузашта дар Тоҷикистон 41 ҳолати фаромадани тарма ба қайд гирифта шуд
ДУШАНБЕ, 22.02.2023 /АМИТ «Ховар»/. 21 феврал дар Тоҷикистон 41 ҳолати фаромадани тарма ва як ҳолати фаромадани сел ба қайд гирифта шуд. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Ба иттилои манбаъ, шабонарӯзи гузашта дар ҳудуди роҳҳои маҳаллии ноҳияи Рӯшони Вилояти Мухтори Кӯҳистони Бадахшон 38 маротиба фаромадани тарма ба қайд гирифта шудааст.
Бояд гуфт, ки бар асари гарм шудани ҳавои рӯзҳои охир ва боридани барфи зиёд фаромадани тарма идома дорад. Роҳҳо дар ҷумҳурӣ муваққатан баста шудаанд.
21 феврал, тахминан соати 10:22-и вақти маҳаллӣ дар километри 426-уми шоҳроҳи Дарвоз-Ванҷ-Хоруғ, дар наздикии шаҳраки Бедараи Ҷамоати деҳоти Водхуди ноҳияи Ванҷ фаромадани тарма ба қайд гирифта шуд. Бо ёрии техникаи махсуси Хадамоти роҳсозии Вазорати нақлиёти ҷумҳурӣ соати 17:05 роҳ тоза ва ҳаракати нақлиёт барқарор карда шуд.
Инчунин тақрибан соати 16:30-и ҳамин рӯз дар километри 352-юми ин роҳ дар ҳудуди деҳаи Умараки Ҷамоати деҳоти Қалъаи Хумби ноҳияи Дарвоз сел фаромад ва роҳ баста шуд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
Эмомалӣ Раҳмон: «Иди Фитр, ҷашни Наврӯз ва дигар ойинҳои милливу эътиқодӣ маҳз ба шарофати Истиқлоли давлатӣ эҳё гардиданд»
«ҶАМЪИЯТИ СОЛИМ». Дар Федератсияи Русия форуми соҳаи тандурустӣ доир шуд
НАВРӮЗ — ТАРОНАИ ОҒОЗИ СОЛ. Ойину суннатҳои наврӯзӣ ҳамсони ин ҷашн таърихи куҳан доранд
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
Корхонаи воҳиди давлатии «Обу корези Душанбе» дар ҳавзҳои таҳшин корҳои тозасозӣ анҷом дода истодааст
Дар Душанбе намоиш-фурӯши маҳсулоти ҳунармандӣ ташкил карда шуд
«ТОҶИКИСТОН ВАТАНИ НАВРӮЗ АСТ». Таҳти чунин унвон дар шаҳри Душанбе ҳамоиш баргузор гардид
