Соли 2022 аз ҳисоби андозҳо ва пардохтҳои дохилӣ ба буҷети Тоҷикистон беш аз 15,3 миллиард сомонӣ ворид гардид
ДУШАНБЕ,16.02.2023 /АМИТ «Ховар»/. Мақомоти андози Тоҷикистон соли 2022 ба буҷети давлатӣ аз ҳисоби андозҳо ва пардохтҳои дохилӣ беш аз 15,3 миллиард сомонӣ ворид намуд, ки нисбат ба нақшаи тасдиқшуда 594 миллион сомонӣ ва нисбат ба нақшаи аниқшуда, бо назардошти дар баъзе шаҳру ноҳияҳо қабул гардидани буҷетҳои иловагӣ 537 миллион сомонӣ зиёд аст.
Раиси Кумитаи андоз Нусратулло Давлатзода имрӯз дар нишасти матбуотӣ ба хабарнигорон иброз дошт, ки бо андешидани тадбирҳои зарурӣ аз ҷониби мақомоти андоз маблағи бақияпулиҳои андозӣ давра ба давра кам мегардад.
«Мақомоти андози ҷумҳурӣ барои таъмини иҷрои пурра ва барзиёди нишондиҳандаҳои Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» ва қарори Ҳукумати Ҷумҳурии Тоҷикистон «Дар бораи натиҷаҳои рушди иҷтимоию иқтисодии Ҷумҳурии Тоҷикистон дар соли 2021 ва вазифаҳо барои соли 2022» вобаста ба таъмини иҷрои уҳдадориҳои андозӣ, беҳтар намудани маъмурикунонии андоз ва хизматрасониҳо ба андозсупорандагону шаҳрвандон, гузаронидани корҳои фаҳмондадиҳӣ доир ба муқаррароти нави қонунгузории андоз, тақвияти ҳисоббаробаркуниҳои ғайринақдӣ тавассути воситаҳои электронии пардохтӣ ва густариши раванди рақамикунонӣ тадбирҳои муассир ва саривақтӣ андешидааст», — тазаккур дод ў.
Номбурда иттилоъ дод, ки бақияи қарзи андозҳо ба ҳолати 1 январи соли равон дар маҷмӯъ 728 миллион сомонӣ кам мебошад.Гуфта шуд, ки бақияпулиҳои андозӣ ба 4,7 фоизи ҳаҷми умумии андозҳои ба буҷет воридшуда баробар гардида, нисбат ба нишондиҳандаҳои соли 2021 –ум 1,2 банди фоизи коҳиш ёфтааст.
Таъкид гардид, ки барои дар сатҳи муосир ташкил намудани хизматрасониҳо, ба раванди гузариши андозсупорандагон ба тартиби пешниҳоди электронии эъломияҳо тақвият бахшида шуда, соли гузашта шумораи андозсупорандагоне, ки эъломияҳои худро ба таври электронӣ пешниҳод менамоянд, 6,5 ҳазор адад зиёд карда шуда, айни замон 155 ҳазор субъектҳои хоҷагидор эъломияҳои худро ба мақомоти андоз ба электронӣ пешниҳод намуда истодаанд ва барои ба ин тартиб гузаронидани андозсупорандагони боқимонда тадбирҳои иловагӣ андешида мешавад.
Марзия САИДЗОДА,
АМИТ «Ховар».
АКС: АМИТ «Ховар»
Дар Маркази тадқиқоти стратегӣ вазъи соҳаи роҳу нақлиёт ва таҳлили сатҳи рақамикунонии соҳа баррасӣ гардид
Пулҳои коғазии ҷашнӣ бо арзиши номиналии 100 сомонӣ ба муомилот бароварда шуд
Даромади буҷети давлатӣ барои соли 2026 дар ҳаҷми 65 миллиард сомонӣ пешбинӣ шудааст
РУШДИ САНОАТ. Дар Тоҷикистон ҳамасола зиёда аз 4,4 миллион тонна семент истеҳсол мегардад
Дар Душанбе дар мавзуи «Пули сомонӣ-рукни давлатдории миллӣ» конфронси илмӣ-назариявӣ баргузор шуд
Тоҷикистон ва Арабистони Саудӣ ҳамкориро дар соҳаи энергетика густариш медиҳанд
Иштироки Раиси Палатаи ҳисоб Ҷамшед Каримзода дар Конгресси XXV INTOSAI дар шаҳри Шарм-аш-Шайхи Миср
ОМОДАГӢ БА ЗИМИСТОН. ҶСК «Ангишти Камароб» муассисаҳои буҷавии ноҳияҳои Рашту Тоҷикободро бо ангишти хушсифат таъмин намуд
ПУЛИ МИЛЛӢ – РАМЗИ ДАВЛАТДОРӢ. Имрӯз аз ба муомилот баровардани пули миллӣ — сомонӣ 25 сол сипарӣ шуд
Рӯзҳои наздик дар вилояти Хатлон нақшаи ҷамъоварӣ пахта пурра иҷро мегардад
Роҳбари миссияи Хазинаи байналмилалии асъор ба устувории нишондиҳандаҳои макроиқтисодии Тоҷикистон баҳои баланд дод
«Сомон Эйр» имконияти васеъ намудани парки ҳавопаймоҳоро бо ширкати амрикоии ACG баррасӣ намуд
