Соли 2022 дар минтақаҳои гуногуни Тоҷикистон 27 фиристандаи гуногуниқтидори рақамӣ насб ва ба истифода дода шуд
ДУШАНБЕ, 09.02.2023. /АМИТ «Ховар»/. Соли 2022 дар минтақаҳои гуногуни ҷумҳурӣ 27 фиристандаи гуногуниқтидори рақамӣ насб ва ба истифода дода шуд. Дар ин хусус 8 феврал зимни нишасти матбуотӣ Раиси Кумитаи телевизион ва радиои назди Ҳукумати Ҷумҳурии Тоҷикистон Нуриддин Саид ба хабарнигорон иттилоъ дод.
«Ин таҷҳизоти рақамӣ дар доираи татбиқи марҳилаи 3-юми Барномаи давлатии рушди пахши телевизиони рақамӣ дар Ҷумҳурии Тоҷикистон барои солҳои 2020-2024 дар маҳаллаҳои Айвоҷ ва Искраи ноҳияи Шаҳритус, Басмандаи ноҳияи Деваштич, Понғози ноҳияи Ашт, Ҳулбуки ноҳияи Восеъ, Тавдем ва Тусёни ноҳияи Роштқалъа ва дигар ноҳияҳо насб гардиданд»,-гуфт Нуриддин Саид.
Ба гуфтаи мавсуф, дар айни замон марҳилаи 3-юми барномаи мазкур барои солҳои 2020-2024 пурра амалӣ гардида, фарогирии аҳолии ҷумҳурӣ бо пахши рақамӣ ба 81,26 фоиз расонида шуд.
Тазаккур дода шуд, ки дар давраи ҳисоботӣ ҷиҳати ба роҳ мондани ҳамкории судманд бо давлатҳои хориҷӣ дар соҳаи телевизион ва радио корҳои муайян ба анҷом расонида шуданд.
«Аз ҷумла, дар самти табодули таҷриба, навор, истеҳсоли филмҳо ва дастрасии дастгоҳу таҷҳизоти соҳавӣ бо сохторҳои марбутаи Арабистони Саудӣ, Фаронса ва Малайзия масъалаи ҳамкорӣ баррасӣ мешавад», — иброз дошт Раиси Кумитаи телевизион ва радио.
Дар нишасти матбуотӣ иттилоъ дода шуд, ки дар айни замон Кумита бо якчанд давлатҳои дигар дар соҳаи телевизион ва радио ҳамкорӣ менамояд.
Зарангези ЛАТИФ,
АМИТ «Ховар»
АКС: АМИТ «Ховар»
Бахшида ба оғози Ҳафтаи аврупоии иммунизатсия дар Ҷумҳурии Тоҷикистон ҳамоиш баргузор шуд
СОЛИ МАЪРИФАТИ ҲУҚУҚӢ. Дар Муассисаи давлатии «Маркази миллии патенту иттилоот» ҳамоиш доир гардид
Дар ноҳияи Рӯшон барои пешгирӣ ва рафъи оқибатҳои офатҳои табиӣ машқи мукаммал гузаронида шуд
ДАЪВАТИ ҶАВОНОН БА ОМӮЗИШИ ИЛМ ВА КАСБУ ҲУНАР. Дар ноҳияи Муъминобод оид ба ин мавзуъ вохӯриҳо доир мешаванд
Маъракаҳои пурдабдаба, хароҷоти беҳуда ва хурофотпарастӣ ба сатҳи зиндагонии аҳолӣ таъсири манфӣ мерасонад
Кумакҳои башардӯстонаи Тоҷикистон ба сокинони аз офати табиӣ зарардидаи Қазоқистон расонида шуд
Ба сокинони деҳаҳои Кӯли Калон ва Нушори поёни ноҳияи Тоҷикобод 2 техника бо арзиши 850 ҳазор сомонӣ кумак карда шуд
СОЛИ МАЪРИФАТИ ҲУҚУҚӢ. Қонун меҳвари фаъолият, зиндагӣ ва мавҷудияти минбаъдаи сокинони мамлакат бошад
«Душанбе пешрафта ва сарсабз мешавад», -бардошт аз ҳамоиш дар Маркази тадқиқоти стратегӣ
МАСЛИҲАТИ МУТАХАССИС. Истифодаи барги тару тозаи қоқу кори узвҳои ҳозимаро тақвият мебахшад
Ҳамкории Ваколатдор оид ба ҳуқуқи инсон дар Тоҷикистон бо мақомоти давлатии Финляндия густариш меёбад
ИМРӮЗ- РӮЗИ КОРМАНДОНИ МАҚОМОТИ АДЛИЯ. Онҳо дар сафи пеши ҳифзи ҳуқуқу озодиҳои асосии инсон, ҳимояи қонуният ва адолат қарор доранд
