««ТОҶИКОН»-ОИНАИ ТАЪРИХИ МИЛЛАТ». Дар Ховалинг сафи довталабон барои иштирок дар озмуни ҷумҳуриявӣ хеле зиёд шудааст
ХОВАЛИНГ, 23.02.2023 /АМИТ «Ховар»/. Давоми се соли охир сокинони ноҳияи Ховалинг дар озмунҳои ҷумҳуриявӣ фаъолона иштирок намуда, сазовори ҷойҳои намоён мегарданд. Имсол низ Мақомоти иҷроияи ҳокимияти давлатии ноҳияи Ховалинг барои иштироки бештари сокинон дар озмунҳои ҷумҳуриявии «Фурӯғи субҳи доноӣ китоб аст», «Илм- фурӯғи маърифат», «Тоҷикистон- Ватани азизи ман» ва ««Тоҷикон»-оинаи таърихи миллат» тадбирҳои саривақтӣ андешида, барои довталабон шароити зарурӣ муҳайё гардидааст, хабар медиҳад мухбири минтақавии АМИТ «Ховар» Сулаймон Холзода.
Корманди Мақомоти иҷроияи ҳокимияти давлатии ноҳияи Ховалинг Олимхуҷа Олимов иттилоъ дод, ки “мақсад аз гузаронидани озмунҳо- баланд бардоштани савияи дониши хонандагон, инчунин ҳавасманд гардонидан нисбат ба омӯзиши илму маърифат ва ҷалби онҳо ба хондани китобҳои бадеӣ мебошад. Имсол дар баробари хонандагон дар ин озмунҳо аъзои Ҳизби Халқии Демократии Тоҷикистон дар ноҳияи Ховалинг низ фаъолона иштирок менамоянд”.
Сафи довталабон барои иштирок дар Озмуни ҷумҳуриявии ««Тоҷикон»-оинаи таърихи миллат» хеле зиёд аст, зеро аз ҷониби Президенти мамлакат ба ҳар оилаи мамлакат китоби «Тоҷикон»-и Бобоҷон Ғафуров туҳфа гардид. Дастрасӣ ба ин асари таърихӣ имконияти иштирокро дар озмун фарохтар менамояд.
Гуфта шуд, ки аз ҳисоби мутахассисон ва фаъолони ноҳия комиссияҳо ташкил карда шуда, масъулин баҳри дар сатҳи баланд гузаронидани озмунҳо кӯшиш ба харҷ медиҳанд.
АКС: АМИТ «Ховар»
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
Дар шаҳри Ҳисор маҳфил-озмунҳои «Тоҷикистони ман!» ва «Шоҳномахонӣ» оғоз гардиданд
«ТОҶИКИСТОН — ВАТАНИ АЗИЗИ МАН». Дар ноҳияи Варзоб даври ноҳиявии озмуни ҷумҳуриявӣ доир шуд
«ИЛМ — ФУРӮҒИ МАЪРИФАТ». Дар Донишгоҳи давлатии Бохтар даври муассисавии озмуни ҷумҳуриявӣ доир шуд
Дар Хуҷанд даври якуми Озмуни ҷумҳуриявии «Тоҷикистон — Ватани азизи ман» баргузор шуд
«ФУРӮҒИ МАЪРИФАТ». Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз шуд
Моҳи май даври дуюми Озмуни ҷумҳуриявии «Фурӯғи субҳи доноӣ китоб аст» баргузор мегардад
Моҳи апрел даври якуми Озмуни ҷумҳуриявии «Илм-фурӯғи маърифат» баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
Имрӯз даври якуми Озмуни ҷумҳуриявии «Фурӯғи субҳи доноӣ китоб аст» ҷамъбаст мегардад
Ҷаласаи комиссияи Озмуни ҷумҳуриявии «Тоҷикистон — Ватани азизи ман» дар соли 2026 баргузор гардид
