««ТОҶИКОН»-ОИНАИ ТАЪРИХИ МИЛЛАТ». Дар Душанбе оид ба моҳияти озмуни ҷумҳуриявӣ ҳамоиш доир карда шуд
ДУШАНБЕ, 20.02.2023. /АМИТ «Ховар»/. Бо мақсади баланд бардоштани ҳисси худогоҳиву ифтихори ватандории наврасону ҷавонон дар Донишгоҳи давлатии омӯзгории Тоҷикистон ба номи Садриддин Айнӣ таҳти унвони «Аҳамият ва моҳияти озмуни ««Тоҷикон»-оинаи таърихи миллат» ҳамоиши илмӣ — назариявӣ баргузор карда шуд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Ҳамоиши мазкур бо ибтикори Кумитаи кор бо ҷавонон ва Ташкилоти ҷамъиятии «Пайравони Пешвои миллат» баргузор гардид.
Зимни он таъкид карда шуд, ки ҷавононро мебояд китоби мондагори «Тоҷикон»-ро, ки сарчашмаи худшиносии миллӣ ба ҳисоб меравад, омӯхта, дар пайравӣ аз ниёгони шарафманди хеш баҳри рушди ин Ватан ва миллат талош намоянд. Китоби мазкур саршор аз ғояҳои ватандӯстӣ буда, хонандаро дар рӯҳияи ягонагӣ ва талош баҳри рушди ҷомеа тарбия месозад.
Тазаккур дода шуд, ки маҳз тавассути омӯзиши ин шоҳасар насли имрӯза аз воқеияти таърихи ниёгони хеш ба таври хеле барҷаста огаҳ мегардад.
Иштирокдорон омӯзиши таърихро яке аз василаҳои асосии ташаккули худшиносӣ ва худогоҳии миллӣ арзёбӣ намуда, иброз доштанд, ки ин китоби таърихӣ тамоми марҳилаҳои сипаришудаи ниёгони халқро мавриди инъикос карор дода, барои насли имрӯз дарси ибрат мегардад. Зеро он инъикосгари ҳаёт ва фаъолияти чеҳраҳои мондагори миллат аст.
Дар қисмати хотимаи ҳамоиш аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба иштирокчиён Сипоснома тақдим гардид.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Чин Созишнома дар бораи воридшавии Академияи миллии илмҳои Тоҷикистон ба Иттифоқи Донишгоҳи Абрешим ба имзо расид
«ФУРӮҒИ СУБҲИ ДОНОӢ КИТОБ АСТ». Киҳо метавонанд дар ин озмун иштирок намоянд?
Масъалаи ҳамкории Донишгоҳи технологии Тоҷикистон бо донишгоҳҳои Ҷопон баррасӣ шуд
Даври чоруми Озмуни ҷумҳуриявии «Фурӯғи субҳи доноӣ китоб аст» оғоз гардид
«ФУРӮҒИ СУБҲИ ДОНОӢ КИТОБ АСТ». Пагоҳ дар Душанбе даври чоруми озмуни ҷумҳуриявӣ оғоз мегардад
Ғолибони Озмуни ҷумҳуриявии «Китобдор, китобхона ва китобхонаи шахсии сол дар Ҷумҳурии Тоҷикистон барои солҳои 2023 — 2024» муайян шуданд
Дар деҳаи Шодмонқалъаи шаҳри Ваҳдат бинои нави муассисаи таълимӣ ба истифода дода шуд
Дар Коллеҷи омӯзгории шаҳри Душанбе даври якуми озмуни шаҳрии «Ту қалби Тоҷикистонӣ, Душанбе» доир шуд
Хонандагони шаҳри Ҳисор ғолиби Озмуни ҷумҳуриявии «Илм – фурӯғи маърифат» шуданд
«ФУРӮҒИ СУБҲИ ДОНОӢ КИТОБ АСТ». 7 ноябр даври чоруми ин озмун оғоз гардида, пурра ба навор гирифта мешавад
«УФУҚҲОИ НАВ ДАР ИЛМ, ТАҲСИЛ ВА АМАЛИЯИ ТИББӢ». Таҳти чунин унвон дар Душанбе конференсия доир шуд
Вобаста ба масъалаҳои муосири саноати мошинсозӣ конференсияи байналмилалӣ доир шуд
