Байни муассисаҳои таҳсилоти олии Тоҷикистон ва Узбекистон беш аз сӣ созишномаи нави ҳамкорӣ ба имзо расид
ДУШАНБЕ, 15.03.2023. /АМИТ «Ховар»/. Байни муассисаҳои таҳсилоти олии Тоҷикистон ва Узбекистон беш аз сӣ созишномаи нави ҳамкорӣ ба имзо расид, хабар доданд ба АМИТ «Ховар» дар Донишгоҳи миллии Тоҷикистон.
Созишномаҳои мазкур дар доираи баргузории Форуми ректорони донишгоҳҳои Ҷумҳурии Тоҷикистон ва Ҷумҳурии Узбекистон имзо гардида, дар робита ба самтҳои гуногуни соҳаи таҳсилоти олии давлатҳо, омӯзиши таҷрибаи пешқадам, таҳияи барномаҳои муштарак, табодули устодону донишҷўён ва анҷом додани корҳои таҳқиқотӣ заминаи мусоид мегузоранд.
То имрӯз дар байни муассисаҳои таҳсилоти олии ду давлат қариб 70 созишнома ва ёддошт оид ба ҳамкорӣ ба имзо расидаанд.
Тазаккур дода шуд, ки ҳамкории имрӯзаи донишгоҳҳои Тоҷикистон ва Узбекистон метавонад ба ноил шудан ба ҳадафҳои муайяни стратегӣ мусоидат намояд. Робитаҳои иҷтимоию сиёсӣ, фарҳангию иқтисодӣ ва байналмилалии ду давлат дар ҳоли рушд қарор доранд.
Инчунин таъкид карда шуд, ки ин аввалин вохӯрии дастҷамъонаи ректорони донишгоҳҳои ду давлати бародар буд, ки дар доираи нақшаи чорабиниҳо оид ба татбиқи муқаррароти Протоколи ҷаласаи 9-уми Комиссияи байниҳукуматӣ дар робита ба ҳамкории тиҷоратию иқтисодӣ байни Ҷумҳурии Тоҷикистон ва Ҷумҳурии Узбекистон аз 30 майи соли 2022 ба роҳ монда шуд.
Тавре қаблан иттилоъ додем, аз 13 то 15 март дар доираи ҳамкории муштараки Ҷумҳурии Тоҷикистон ва Ҷумҳурии Узбекистон дар Душанбе Форуми ректорони донишгоҳҳои Ҷумҳурии Тоҷикистон ва Ҷумҳурии Узбекистон таҳти унвони «Муносибатҳои дуҷонибаи Ҷумҳурии Узбекистон ва Ҷумҳурии Тоҷикистон дар соҳаи таҳсилоти олӣ, илм ва инноватсия ҳамчун асоси рушди иқтисодиёти миллӣ» дар заминаи Донишгоҳи миллии Тоҷикистон баргузор гардид.
АКС: Донишгоҳи миллии Тоҷикистон
Нақшаи қабули довталабон ба Донишгоҳи байналмилалии забонҳои хориҷии Тоҷикистон 90 фоиз иҷро гардид
НИШАСТИ МАТБУОТӢ. Дар Донишгоҳи давлатии молия ва иқтисоди Тоҷикистон шаш ихтисоси нав ташкил карда шуд
НИШАСТИ МАТБУОТӢ. Дар Донишгоҳи байналмилалии забонҳои хориҷии Тоҷикистон Маркази иттилоот, инноватсия ва рақамикунонӣ таъсис дода шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба даврҳои омӯзишии «Фарҳанги дастархондорӣ» ҷалб гардиданд
Дар Олимпиадаи байналмилалии IKO-2025 дар Камбоҷа хонандагони тоҷик 14 медал ба даст оварданд
«Стратегияи рушди Донишгоҳи байналмилалии сайёҳӣ ва соҳибкории Тоҷикистон барои давраи то соли 2040» самаранок татбиқ мешавад
НИШАСТИ МАТБУОТӢ. Дар шаш моҳ 12 устоди Донишгоҳи давлатии ҳуқуқ, бизнес ва сиёсати Тоҷикистон рисолаи илмӣ дифоъ намуданд
Донишгоҳи байналмилалии сайёҳӣ ва соҳибкории Тоҷикистон бо 28 муассисаи таҳсилоти олии хориҷӣ созишномаи ҳамкорӣ ба имзо расонид
НИШАСТИ МАТБУОТӢ. Дар даври якуми қабул ба Донишгоҳи байналмилалии сайёҳӣ ва соҳибкории Тоҷикистон беш аз 3 ҳазор донишҷӯ дохил шуд
Тоҷикистон ба низоми 10-балаи баҳогузорӣ мегузарад?
Ба нахустин хатмкунандагони факултети муштараки донишгоҳҳои Тоҷикистон ва Узбекистон дипломҳо тақдим карда шуданд
НИШАСТИ МАТБУОТӢ. Дар Тоҷикистон теъдоди муассисаҳои томактабӣ ба 757 адад расид
