Дар Тоҷикистон барои пешгирӣ аз паҳншавии малах техникаи зарурӣ дастрас карда шуд
ДУШАНБЕ, 02.03.2023 /АМИТ «Ховар»/. 1 март ба Муассисаи давлатии «Экспедитсияи мубориза бар зидди малах»-и Вазорати кишоварзии Ҷумҳурии Тоҷикистон ҷиҳати пешгирӣ ва эмин нигоҳ доштани зироати кишоварзӣ аз ҳашароти зараровар ва роҳ надодан ба паҳншавии малах 5 мошини обкашон, 5 микроавтобус, хаймаҳои саҳроӣ ва дигар таҷҳизоти зарурӣ тақдим гардид, иттилоъ доданд ба АМИТ «Ховар» дар Вазорати кишоварзии мамлакат.
Таҷҳизоти мазкур дар доираи лоиҳаи «Барномаи беҳсозии минтақавӣ ва миллии мубориза бар зидди малах дар кишварҳои Қафқоз ва Осиёи Марказӣ» ба ҷониби Тоҷикистон супорида шуд.
Муассисаи давлатии «Экспедитсияи мубориза бар зидди малах» ва филиалҳои он дар вилоятҳо ва шаҳру ноҳияҳои ҷумҳурӣ ҷиҳати сари вақт ба анҷом расонидани чорабиниҳои мубориза бар зидди малах дар мавсими соли 2022 727 адад техника ва дигар таҷҳизоти заруриро дар ҳолати корӣ омода намуда буд.
Соли сипаригардида дар ҷумҳурӣ дар майдони 117 070 гектар коркарди кимиёвӣ бар зидди малах гузаронида шуд. Дар ин давра ҳолатҳои зарар расонидани малах дар шаҳру ноҳияҳои ҷумҳурӣ ба қайд гирифта нашудааст.
АКС: Вазорати кишоварзии Ҷумҳурии Тоҷикистон
Дар 7 соли охир дар Тоҷикистон беш аз 2600 корхонаи саноатӣ ба фаъолият оғоз намудааст
Таъсиси Шурои миллии об дар Тоҷикистон қадами муҳим дар самти идоракунии устувори захираҳои об аст
Кишоварзони Тоҷикистон соли 2026 дар беш аз 274 ҳазор гектар зироати ғалладонагӣ кишт менамоянд
Дар ҶСК «Барқи Тоҷик» самти энергетикии Паёми Президенти Тоҷикистон ба Маҷлиси Олӣ баррасӣ гардид
Сарфаи неруи барқ на танҳо ба коҳиши хароҷоти оилавӣ, балки ба самаранокии неруи барқ низ мусоидат менамояд
Тоҷикистон ва Узбекистон оид ба истифодаи долони нақлиётӣ, ки Чинро бо Аврупо мепайвандад, ба мувофиқа расиданд
Сохтмони хати барқии баландшиддати ҳавоӣ аз зеристгоҳи «Равшан» то зеристгоҳи «Шаҳринав-2» идома дорад
Корхонаҳои саноатии ноҳияи Мастчоҳ ба маблағи беш аз 356 миллион сомонӣ маҳсулот истеҳсол намудаанд
Татбиқи барномаҳои электронии идоракунӣ ва истифодаи технологияҳои рақамӣ дар фаъолияти соҳаи об баррасӣ шуд
Байни Хадамоти алоқаи Тоҷикистон ва ширкати «Jinda Anbang»-и Чин Ёддошти тафоҳум ба имзо расид
Шуруъ аз 1 феврали соли 2026 дар Тоҷикистон тарифҳои нави барқу гармӣ ҷорӣ карда мешавад
КАРТОШКАПАРВАРӢ. Кишоварзони вилояти Хатлон дар 8 ҳазор гектар картошка кишт менамоянд
