«МАТБУОТИ МИЛЛӢ-ТАРҒИБГАРИ АРЗИШҲОИ ИСТИҚЛОЛИ ДАВЛАТӢ». Таҳти ин унвон дар Китобхонаи миллӣ ҳамоиш доир гардид
ДУШАНБЕ, 13.03.2023 /АМИТ «Ховар»/. Имрӯз бо ташаббуси шуъбаи матбуоти даврии Муассисаи давлатии «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон таҳти унвони «Матбуоти миллӣ-тарғибгари арзишҳои истиқлоли давлатӣ» ҳамоиши илмӣ-омавӣ доир карда шуд. Дар ин хусус АМИТ «Ховар» хабар медиҳад.
Дар ҳамоиши мазкур муҳаққиқони соҳа ва рӯзноманигорону озӯзгорони факултетҳои журналистика иштирок намуданд.
Тазаккур дода шуд, ки матбуот дар воқеъ яке аз рукнҳои муҳими сиёсӣ, фарҳангӣ, иқтисодӣ, иҷтимоӣ ва маънавии ҷомеа мебошад. Он агар бо риояи усулҳои неки рӯзноманигорӣ нашр шавад, дар таҳкими асолати миллӣ, пояи давлатдорӣ, худшиносии ҷомеа ва ҷаҳонбинии мардум нақши амиқ мебозад.
Ёдовар мешавем, ки Рӯзи матбуоти тоҷик шуруъ аз соли 1994 ҳамасола 11 март таҷлил карда мешавад. Рӯзи матбуоти тоҷик ба чопи нахустин рӯзномаи тоҷикӣ- «Бухорои шариф», ки шумораи аввалинаш 11 марти соли 1912 интишор ёфта, дастраси хонандагон гардида буд, иртибот дорад. Имсол аз чопи ин рӯзнома 111 сол сипарӣ гардид.
Тавре устод Садриддин Айнӣ иброз доштааст, «Бухорои шариф» дар торикистони таърих чароғе буд, ки мардумро бо рӯшноияш ба роҳи саводу маърифат ва огаҳию худшиносӣ бурд».
Бояд тазаккур дод, ки матбуот ва дигар ВАО ҳамчун воситаи асосӣ ва муҳимтарини инъикоси масъалаҳои сиёсӣ, иҷтимоию иқтисодӣ ва фарҳангӣ дар пешрафту рушди мамлакат ва ҷомеа нақши назаррас дорад.
Дар анҷоми ҳамоиш барои ҳамкории судманд ба як зумра роҳбарони воситаҳои ахбори омма аз ҷониби роҳбарияти Китобхонаи миллӣ «Ифтихорнома» тақдим гардид.
АКС: АМИТ «Ховар»
25 март даври дуюми Фестивали гулҳо таҳти унвони «Сайри гули лола» ҷамъбаст мегардад
Хабарнигорони Қирғизистон бо фаъолияти ду шабакаи телевизонӣ дар Тоҷикистон ва студияҳои сабти овоз шинос гардиданд
Ҳайати Тоҷикистон дар Бозиҳои байналмилалии Делфӣ дар Қирғизистон иштирок дорад
Намоишномаи ҳунармандони Театри вилоятии мусиқӣ-мазҳакавии ба номи Ато Муҳаммадҷонови шаҳри Бохтар дар Узбекистон пешниҳод мегардад
«ДӮСТИИ АДАБӢ — ДӮСТИИ АБАДӢ». Бо иштироки аҳли фарҳангу санъати Тоҷикистону Узбекистон ҳамоиш доир шуд
Гурӯҳи хабарнигорони Қирғизистон аз як қатор ҷойҳои таърихию фарҳангии Тоҷикистон боздид намуд
Рӯзҳои кинои Тоҷикистон дар Узбекистон доир мешавад
Хабарнигорони Қирғизистон дар Осорхонаи миллӣ бо таъриху фарҳанги Тоҷикистон шинос гардиданд
НАВРӮЗИ ХАТЛОН. Фасли баҳор дар ин минтақаи Тоҷикистон пештар оғоз меёбад
Рӯзҳои фарҳанги Тоҷикистон дар Узбекистон баргузор мегарданд
САЁҲАТРО АЗ ВАТАН ОҒОЗ МЕНАМОЕМ! Ёдгориҳои таърихию фарҳангии Хуттали Қадим аз ҷиҳати аҳамияти таърихӣ ҳамто надоранд
Гурӯҳи хабарнигорони Қирғизистон бо мақсади шиносоӣ бо дастовардҳои даврони истиқлол ва иштирок дар тантанаҳои наврӯзӣ ба Тоҷикистон ташриф овард
