Нақшаи «Чаҳорчӯби ҳамкорӣ оид ба рушди устувор барои солҳои 2023-2026» тасдиқ гардид
ДУШАНБЕ, 15.03.2023 /АМИТ «Ховар»/. Дар Вазорати рушди иқтисод ва савдои ҷумҳурӣ бо иштироки роҳбарони вазорату идораҳо, намояндагони оҷонсиҳои СММ — аъзои гурӯҳҳои натиҷавии Барномаи қолабии СММ оид ба расонидани кумак барои рушд дар Тоҷикистон (UNSDCF) ҷаласаи Кумитаи муштараки роҳбарикунанда оид ба тасдиқи нақшаҳои кории «Чаҳорчӯби ҳамкорӣ оид ба рушди устувор барои солҳои 2023-2026» баргузор гардид. Дар ин хусус ба АМИТ «Ховар» дар вазорати мазкур хабар доданд.
Иттилоъ дода шуд, ки дар панҷ соли охир рушди миёнасолонаи иқтисодиёти мамлакат дар сатҳи 7,3 фоиз ва соли 2022 дар сатҳи 8 фоиз таъмин гардид. Ҳаҷми маҷмӯи маҳсулоти дохилии мамлакат аз 71 млрд сомонии соли 2018 то ба 115 млрд сомонӣ дар соли 2022 ё 1,6 баробар расонида шуд.
Таъкид гардид, ки дар натиҷаи тадбирҳои андешидаи Ҳукумати ҷумҳурӣ дар ҳамкорӣ бо агентиҳои СММ ва дигар шарикони рушди мамлакат барои таъмини рушди устувор ва мутавозини иқтисодӣ давоми солҳои 2016-2020 рушди миёнасолонаи ММД дар сатҳи на кам аз 7 фоиз таъмин гардида, ҳаҷми ММД 1,6 маротиба зиёд шуд. Ҳиссаи содирот дар гардиши савдои хориҷӣ аз 20 то 31 фоиз зиёд ва ҳиссаи воридот аз 80 то 69 фоиз кам гардид.
Дар натиҷа танҳо дар панҷ соли охир дар дохили мамлакат ба маблағи умумии беш аз 44 млрд сомонӣ маҳсулоти ивазкунандаи воридот истеҳсол карда шуд, ки боиси хеле коҳиш ёфтани вобастагии бозори истеъмолӣ аз маҳсулоти воридотӣ гардид.
Ҳамоҳангсози доимии Созмони Милали Муттаҳид дар Тоҷикистон Сезин Синаноғлу Ҳукумати ҷумҳуриро барои ноил гардидан ба рушди назаррас дар давраи татбиқи барномаи UNDAF давоми солҳои 2016-2020 табрик намуда, барои ҳамкории самаранок ва ба даст овардани натиҷаҳои муштарак ҷиҳати дастгирии аҳолии Тоҷикистон изҳори миннатдорӣ кард. Ҳамзамон мавсуф омодагии СММ-ро барои идомаи ҳамкории мутақобилан судманд дар раванди тасдиқи нақшаҳои кории «Чаҳорчӯби ҳамкорӣ оид ба рушди устувор барои солҳои 2023-2026» изҳор намуд.
Дар идома аъзои кумитаи муштараки роҳбарикунанда аз ҳисоби намояндагони шарикони рушд ва вазорату идораҳои ҷумҳурӣ нақшаҳои кории «Чаҳорчӯби ҳамкорӣ оид ба рушди устувор барои солҳои 2023-2026»-ро тасдиқ намуда, омодагии худро ҷиҳати афзоиш додани кумаку дастгирии минбаъда дар самти таъмини рушди устувори иқтисодию иҷтимоӣ ва экологӣ баён доштанд.
АКС: Вазорати рушди иқтисод ва савдои Ҷумҳурии Тоҷикистон
ЗИМИСТОНГУЗАРОНӢ. «Ангишти Камароб» муассисаҳои буҷетии ноҳияҳои Рашт ва Тоҷикободро бо ангишти хушсифат таъмин намуд
Намояндагони бахши иқтисодии Тоҷикистон бо ҳайати Хазинаи Байналмилалии Асъор марҳилаи аввали татбиқи барномаи воситаҳои ҳамоҳангсозии сиёсатро баррасӣ намуданд
Дар Тоҷикистон дар 170 ҳазор гектар кишти тирамоҳӣ гузаронида мешавад
Вазорати рушди иқтисод ва савдо барои сари вақт таҳия намудани лоиҳаи Дурнамои нишоҳандаҳои асосии макроиқтисодии Ҷумҳурии Тоҷикистон барои солҳои 2026-2028 тадбирҳои зарурӣ меандешад
Дар Ҷамъияти дорои масъулияти маҳдуди «Рахшона»-и Ашт зиёда аз 300 ҳазор моҳӣ парвариш меёбад
Дар Вазорати рушди иқтисод ва савдои Ҷумҳурии Тоҷикистон ҳамоиши ҷавонон доир гардид
Раёсати ҷониби Тоҷикистон дар ҷаласаи Шурои роҳбарони мақомоти омори мамлакатҳои аъзои Иттиҳоди Давлатҳои Мустақил
Байни Палатаи савдо ва саноати Ҷумҳурии Тоҷикистон ва Ҷамъияти дорои масъулияти маҳдуди «РВБ» Ёддошти тафоҳуми ҳамкорӣ ба имзо расид
Ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодию тиҷоратӣ баргузор гардид
Ҳамкории тиҷоратию иқтисодӣ ва сармоягузории дуҷониба байни Тоҷикистон ва Амороти Муттаҳидаи Араб густариш меёбад
Дар Душанбе ҳамкории ширкатҳои австриягӣ дар бунёди неругоҳҳои барқи обӣ дар Тоҷикистон баррасӣ шуд
Ҳайати Тоҷикистон дар Форум-намоишгоҳи байналмилалии сохтмонӣ 100+ TechnoBuild иштирок намуд
