Ҳайати мақомоти гумруки Тоҷикистон дар «Korea customs week-2023» дар Сеул иштирок намуд
ДУШАНБЕ, 26.04.2023 /АМИТ «Ховар»/. Имрӯз дар Сеул дар доираи «Korea customs week— 2023» /Ҳафтаи гумруки Корея -2023/ нахустин Конфронси байналмилалӣ дар мавзуи «Ҳамкории ҷаҳонӣ ва гумруки рақамӣ» оғоз ёфт, ки дар кори он Тоҷикистонро сардори Хадамоти гумруки назди Ҳукумати Ҷумҳурии Тоҷикистон Хуршед Каримзода намояндагӣ дорад. Дар ин хусус АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон иттилоъ медиҳад.
Хадамоти гумруки Кореяи Ҷанубӣ аз созмондиҳандагони конфронси байналмилалӣ буда, дар он роҳбарон ва намояндагони мақомоти гумруки 75 давлати ҷаҳон, соҳибкорону мансабдорони дохиливу хориҷӣ, ҳайатҳои расмӣ, намояндагони созмонҳои бонуфузи молиявӣ ва байналмилалӣ, назири Созмони ҷаҳонии тиҷорат ва Созмони ҷаҳонии гумрук ширкат доранд.
Дар доираи «Ҳафтаи гумруки Корея-2023» масъалаҳои мусоидат ба ҳамкории байналмилалии гумрукӣ, бунёди шароити мусоид барои тиҷорат ва амнияти иқтисоди ҷаҳонӣ дар руҳияи ҳамбастагӣ ва ҳамкорӣ баррасӣ хоҳад шуд.
Интизор меравад, ки иштирокдорони конфронси байналмилалӣ роҳҳои ҷорӣ кардани технологияҳои нав дар идоракунии гумрук бо назардошти тамоюлҳои охирини зеҳни сунъӣ, табодули иттилоот оид ба ошкор кардани молҳои ғайриқонунӣ, ба мисли маводи мухаддир ҳангоми сохтани низоми тиҷорати электронии гумрукӣ ва дигар масъалаҳои муҳимро баррасӣ намоянд.
Инчунин дар доираи «Ҳафтаи гумруки Корея -2023» имзои созишномаҳои бисёрҷониба дар назар дошта шуда, инчунин он дар самти баланд бардоштани нақши мақомоти гумрук дар эҳёи тиҷорат ва ҳалли мушкилоти гумрукии хориҷӣ вобаста ба монеаҳои ғайритарифӣ тавассути вохӯриҳои корӣ мусоидат хоҳад кард.
Дар доираи ин конфронс барномаҳои мушаххас, аз қабили мизи мудаввар барои роҳбарони мақомоти гумрук, семинар оид ба масъалаҳои танзими тарифии гумрукӣ, мулоқоти дуҷониба ва намоиши технологияҳои инноватсионии гумрукӣ пешбинӣ шудаанд.
Ҳамоиш таҳти раёсати сардори Хадамоти гумруки Корея гузаронида шуда, дар доираи он табодули таҷриба ва сиёсати гумрукии ҳар давлат, инчунин таҳкими ҳамкорӣ ва ҳамбастагӣ ҷиҳати бунёди низоми устувори мутақобила оид ба тиҷорати байналмилалӣ пешбинӣ шудааст.
Ҳамчунин дар конфронси байналмилалӣ масъалаҳои таҳияи шартномаҳои байналмилалӣ дар самти фаъолияти гумрукӣ, ҷорӣ намудани низоми «Равзанаи ягона» байни мақомоти гумрук, мубодилаи маълумот байни мақомоти давлатӣ ва танзимгарони ваколатдори иқтисодӣ мавриди баррасӣ қарор мегирад.
«Ҳафтаи байналмилалии гумруки Корея 2023» то 28 апрел идома меёбад.
АКС: Хадамоти гумруки назди Ҳукумати Ҷумҳурии Тоҷикистон
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
