ALMATY ASIAN CADET CUP. 3 ҷудокори навраси тоҷик соҳиби нишонҳои биринҷӣ шуданд

ДУШАНБЕ, 08.04.2023 /АМИТ «Ховар»/. 7 апрел дар шаҳри Алмаатои Қазоқистон  мусобиқаи Ҷоми кушоди Осиё миёни наврасон оғоз шуд, ки дар рӯзи аввали ҷудокорони навраси тоҷик се медал дар даст оварданд. Дар ин бора ба АМИТ «Ховар» дар Федератсияи дзюдои  Тоҷикистон хабар доданд.

Дар рӯзи якуми мусобиқа 3 ҷудокори навраси тоҷик  Лоиқ Қутбудинов (55кг), Ворис Назаров (66кг)  ва Аминҷон Абдуҷалилзода (73кг) сазовори медалҳои биринҷӣ шуданд.

Имрӯз дигар ҷудокорони тоҷик дар вазнҳои -81 , -90 ва +90 кг кувваозмоӣ мекунад.

Ёдовар мешавем, ки 13 ҷудокори тоҷик ҷиҳати иштирок ба мусобиқаи Ҷоми кушоди Осиё миёни наврасону ҷавонон, ки аз 7-ум то 9-уми апрел идома меёбад, сафарбар гардидаанд.

АКС: Федератсияи ҷудои Тоҷикистон