«Амонатбонк» дар оянда бо Бонки давлатии рушди Чин санади нави ҳамкорӣ ба имзо мерасонад
ДУШАНБЕ, 29.04.2023 /АМИТ «Ховар»/. Интизор меравад, ки моҳи майи соли равон байни Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» ва Бонки давлатии рушди Чин Ёддошти тафоҳум ҷиҳати ба роҳ мондани боз ду созишномаи хати нави қарзӣ ба имзо расад. Чунин таъкид гардид дар мулоқоти Раиси Раёсати Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» Сироҷиддин Икромӣ бо ноиби Президенти Бонки давлатии рушди Чин Ван Вэйдун.
АМИТ «Ховар» бо истинод ба Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» иттилоъ медиҳад, ки мулоқоти роҳбарони «Амонатбонк» ва Бонки давлатии рушди Чин дар иёлати Гоаи Ҳиндустон дар ҳошияи ҷаласаи Шӯрои Иттиҳоди байнибонкии Созмони ҳамкории Шанхай доир гардида, раиси «Амонатбонк» оид ба дастовардҳои молиявии бонк маълумот манзур намуд.
Мавсуф афзуд, ки дар доираи Иттиҳоди байнибонкии СҲШ Бонки давлатии рушди Чин яке аз шарикони муҳим ва боэътимоди «Амонатбонк» маҳсуб мешавад.
Ноиби Президенти Бонки давлатии рушди Чин Ван Вэйдун гуфт, ки «Амонатбонк» ягона бонке ҳаст, ки бо Бонки давлатии рушди Чин таърихи хуби ҳамкории муштарак дорад ва ин барои мо муҳим ва қобили эҳтироми хосса аст.
Дар заминаи мулоқоти пурмуҳтаво роҳбарони бонкҳо ба мувофиқа расиданд, ки моҳи майи соли равон ҷиҳати ба роҳ мондани боз ду созишномаи хати нави қарзӣ Ёддошти тафоҳум ба имзо расонанд.
Ҳамкории «Амонатбонк» бо Бонки давлатии рушди Чин аз соли 2008, яъне аз санаи пазируфтани «Амонатбонк» ба Иттиҳоди байнибонкии Созмони ҳамкории Шанхай сарчашма мегирад.
«Амонатбонк» ва Бонки давлатии рушди Чин тайи ин солҳо дар доираи ҳамкории муштарак беш аз 8 созишномаи қарзӣ бо маблағҳои гуногун ҷиҳати рушди соҳибкории хурду миёна ва Ёддошти тафоҳум оид ба бозомӯзии кормандони бонк дар донишгоҳҳои бонуфузи Ҷумҳурии Мардумии Чин ба имзо расонидаанд.
АКС: «Амонатбонк»
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
ҚУРБИ АСЪОР: 1 евро аз 10.8500 то 10.9105 сомонӣ муқаррар шудааст
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
