Байни Агентии содироти Тоҷикистон ва ширкати Каян группи Арабистони Саудӣ созишномаи ҳамкорӣ ба имзо расид
ДУШАНБЕ, 11.04.2023 /АМИТ «Ховар»/. 10 апрел байни Агентии содироти назди Ҳукумати Ҷумҳурии Тоҷикистон ва ширкати Каян группи Арабистони Саудӣ созишномаи ҳамкорӣ ба имзо расонида шуд. Тавре ба АМИТ «Ховар» дар Агентии содирот хабар доданд, намояндагони ширкати мазкур бо сафари корӣ аз 6 апрел дар Тоҷикистон қарор доранд.
Зимни вохӯрии Директори Агентии содирот ва Роҳбари ширкати Каян группи Арабистони Саудӣ ва ҳайати расмӣ, ки 6 апрел баргузор гардид, масъалаҳои муҳими таҳкими ҳамкорӣ дар самти ба роҳ мондани содироти маҳсулоти кишоварзию саноатӣ ва таъмини интиқоли кафолатнокии минбаъдаи он байни ҷонибҳо мавриди муҳокима қарор гирифт.
Ҳамзамон Агентии содирот ҳайати меҳмонони Арабистони Саудиро дар давраи сафарашон ҳамроҳӣ карда, вохӯриашонро бо намояндагони бахшҳои хусусии вилояти Хатлон оид ба имконияти истеҳсолии хоҷагиҳо, анборхонаҳо, сардхонаҳо ва маҳсулоти кишоварзии ин минтақа ташкил намуд. Дар ҷараёни вохӯриҳо ҷониби Арабистони Саудӣ ҷиҳати дар мавсими дахлдор харидорӣ намудани асал, лимӯ, сир, обҳои нӯшокӣ ва сангҳои қиматбаҳо ҳавасмандӣ зоҳир намуд.
Дар натиҷа байни Агентии содирот ва ширкати Каян группи Арабистони Саудӣ Созишномаи ҳамкорӣ ба имзо расонида шуд.
Ҳадаф аз баргузории вохӯриҳо иҷрои дастуру супоришҳои Президенти Ҷумҳурии Тоҷикистон дар самти мусоидат ба рушди содироти молу маҳсулоти ватанӣ ба хориҷи мамлакат ва баланд бардоштани нуфузи ҷумҳурӣ дар сатҳи байналмилалӣ мебошад.
АКС: Агентии содироти назди Ҳукумати Ҷумҳурии Тоҷикистон
Дар Душанбе истифодаи фановарию маводи нав дар сохтмони роҳҳоро баррасӣ намуданд
Қоҳир Расулзода дар ноҳияи Носири Хусрав бо корҳои сохтмонӣ шинос шуд
Сарвазири Тоҷикистон дар Шаҳритус бо вазъи зиндагии мардум ва корҳои созандагӣ шинос гардид
Тоҷикистон ва Қирғизистон ҳамкориро дар соҳаи рақамикунонӣ тақвият медиҳанд
IRS: Муҳлати маҳдудияти мавсимӣ барои мошинҳои боркаши гаронвазн ба охир расид
Дар Бишкек тавсеаи ҳамкории иқтисодӣ байни Тоҷикистон ва Қирғизистон баррасӣ гардид
Лоиҳаи фармоиши Ҳукумати Ҷумҳурии Тоҷикистон оид ба таҳияи дурнамои нишондиҳандаҳои асосии макроиқтисодӣ баррасӣ шуд
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
