Дар Хоруғ нахустин корхонаи хурди истеҳсоли пойафзол ба фаъолият оғоз намуд
ХОРУҒ, 12.04.2023 /АМИТ «Ховар»/. Дар шаҳри Хоруғи Вилояти Мухтори Кӯҳистони Бадахшон нахустин корхонаи хурди истеҳсоли пойафзол ба фаъолият оғоз кард, хабар медиҳад мухбири минтақавии АМИТ «Ховар» Файз Мирасан.
Қабл аз оғози фаъолият роҳбарияти корхона 42 сокини маҳаллиро ба омӯзиши кӯтоҳмуддат ҷалб карда, давоми се моҳ ба онҳо тарзу усули истифодаи асбобу дастгоҳҳои пойафзолдӯзиро ёд доданд.
Соҳибкор аз шаҳри Хуҷанд Аъзам Ахруллоев, ки корхонаи мазкурро таъсис додааст, изҳор дошт, ки «ҳоло аз ин 42 нафар 8 касро ба кор ҷалб намудем ва баъди пурра ба фаъолият шуруъ кардани корхона теъдоди коргарон низ зиёд мегардад. Асбобу дастгоҳҳо, ки шумораашон аз 40 адад бештар аст, истеҳсоли Чин мебошанд».
Ин соҳибкори муваффақ сабаби таъсиси корхонаро дар шаҳри Хоруғ ба мавҷуд будани шумораи зиёди ҳайвоноти хурду калон дар ин минтақа ва вуҷуд надоштани корхонаи коркарди пӯст рабт дод. Дар айни ҳол маҳсулоти хом аз Туркия оварда мешавад.
Ҳамзамон гуфтушунид бо масъулини фермаҳои чорвопарварӣ ва шахсони инфродӣ, ки ба парвариши чорво машғуланд, идома дорад. Дар назар аст, ки соли оянда дар шаҳри Хоруғ корхонаи хурди коркарди пӯст бунёд ва минбаъд пойафзол аз чарми маҳалӣ омода карда шавад.
Дар корхонаи нави пайафзолдӯзӣ дар як моҳ зиёда аз 3 ҳазор пойафзоли мардона дӯхта ва дар дӯкону бозорҳои шаҳру ноҳияҳои вилоят ба фурӯш гузошта мешавад. Ҳамчунин корхона мутобиқ ба завқи муштариён пойафзол омода мекунад.
АКС: АМИТ «Ховар»
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
Тавсеаи ҳамкории иқтисодӣ, молиявӣ ва сармоягузории Тоҷикистон бо Амороти Муттаҳидаи Араб баррасӣ гардид
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
Дар ноҳияи Ҷалолиддини Балхӣ ҳаҷми истеҳсоли маҳсулоти кишоварзӣ 946 миллион сомониро ташкил дод
