Дар Хуҷанд ба бунёди осоишгоҳи солимгардонӣ, чойхона ва маркази ташхиси тиббӣ санги асос гузошта шуд
![](https://khovar.tj/wp-content/uploads/2023/04/Hu-and-06-04-2023-Ba-bunyodi-osoishgo-go-i-solimgardon-chojhona...-.jpg)
СУҒД, 08.04.2023 /АМИТ «Ховар»/. Ба истиқболи 35-солагии Истиқлоли давлатии Ҷумҳурии Тоҷикистон дар соҳили рости дарёи Сир, кӯчаи Сирдарёи шаҳри Хуҷанд бо иқдоми соҳибкори ватанӣ маҷмааи хонаи баландошёна бо чойхона, маркази ташхиси тиббӣ ва осоишгоҳ бунёд карда мешавад. Дар ин хусус ба мухбири минтақавии АМИТ «Ховар» Саъдулло Маҳкам дар дафтари матбуоти Раиси шаҳри Хуҷанд хабар доданд.
Лоиҳакаши иншоот «Бунёдгари Суғдзамин» буда, корҳои сохтмонӣ аз ҷониби ҶДММ «Авитсенна» ба анҷом расонида мешавад.
6 апрел роҳбарияти вилояти Суғд ва шаҳри Хуҷанд бо лоиҳаи иншоот шинос гардида, ба он санги асос гузоштанд.
Роҳбарияти вилояти Суғд аз ин иқдоми соҳибкори ватанӣ изҳори сипос намуда, ташкили чунин иншооти сайёҳӣ ва хизматрасониро ба манфати мардум ва заминаи муосид барои ташкили ҷойҳои нави корию ҷалби сайёҳони дохилию хориҷӣ унвон намуд.
Ба сохтмончиён ҷиҳати анҷом додани корҳои босифати сохтмонӣ бо истифода аз масолеҳи ватанӣ дастуру супоришҳо дода шуд.
АКС: Дафтари матбуоти Раиси шаҳри Хуҷанд