Дар иёлати Мэни ИМА бар асари тирпаронӣ чор нафар ҳалок ва се тан захмӣ шуд

ДУШАНБЕ, 19.04.2023 /АМИТ «Ховар»/. Дар ду тирпаронии 18 апрел, ки дар иёлати Мэни шимолу шарқи Иёлоти Муттаҳидаи Амрико ба амал омад, чаҳор нафар ҳалок ва се тани дигар захмӣ шуд. Дар ин хусус АМИТ «Ховар» бо истинод ба «Синхуа» иттилоъ медиҳад.

Субҳи рӯзи сешанбе полис ба хонае дар Боудойн даъват шуд, ки ба гуфтаи онҳо ҷасади чаҳор нафари мурда пайдо шудааст.

Дере нагузашта, дар бораи тирпаронӣ дар шоҳроҳи 295 дар Ярмут хабар расид, ки бар асари он се нафаре, ки дар дохили мошини худ будаанд, ҷароҳат бардоштаанд.

Як нафар ба ҳабс гирифта шуд, вале ҳувияташ эълон нашудааст.

Полиси Мэн тасдиқ кард, ки ин ду тирпаронӣ бо ҳам алоқа доранд, аммо сабаби онро номбар накард.

Ҳокими шаҳр Ҷанет Миллс нимаи дуюми рӯзи сешанбе дар «Твиттер» навишт, ки «аз ин ҳодиса ҳайратзада ва сахт андӯҳгин шудааст».

«Амалҳои зӯроварӣ ба мисли ҳодисаҳое, ки мо имрӯз аз сар гузаронидем, иёлат ва музофоти моро ба ларза оварданд»,-навиштааст Ҷанет Миллмс.

Азиза ИКРОМ,
АМИТ «Ховар»

АКС аз манбаъҳои боз