ДАЪВАТИ БАҲОРӢ. Кормандони Комиссариати ҳарбӣ ва раисони ҷамоатҳои шаҳраку деҳоти Рашт қадрдонӣ шуданд
РАШТ, 13.04.2023 /АМИТ «Ховар»/. 11 апрел Мақомоти иҷроияи ҳокимияти давлатии ноҳияи Рашт кормандони Комиссариати ҳарбии ноҳия ва раисони ҷамоатҳои шаҳраку деҳотро ҷиҳати фаъолияти хуб нишон додан дар маъракаи даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистон бо ифтихорномаҳои мақомоти иҷроия қадрдонӣ намуда, ба онҳо туҳфаҳои хотиравӣ тақдим намуд. Дар ин хусус ба мухбири минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рашт хабар доданд.
Дар ҷамъомади тантанавӣ иброз гардид, ки «маҳз амалӣ гардонидани тадбирҳои судманд ва ба роҳ мондани корҳои тарғиботиву ташвиқотӣ, анҷом додани мулоқоту суҳбатҳо бо насли ҷавон ва волидайни онҳо, баргузории Рӯзи дарҳои кушод дар қисмҳои ҳарбӣ ва дигар чорабиниҳои ҳадафманд имкон дод, ки ноҳияи Рашт маъракаи даъвати навбатии ҷавонон ба хизмати ҳарбиро пурра анҷом диҳад.
Сарфармондеҳи Олии Қувваҳои Мусаллаҳ, генерали артиш муҳтарам Эмомалӣ Раҳмон сиёсати давлатии ҷавононро яке аз рукнҳои аввалиндараҷаи сиёсати Ҳукумати Ҷумҳурии Тоҷикистон шуморида, таъкид медоранд, ки «саҳми ҷавонон дар ҳифзи Модар — Ватан шоистаи таҳсин буда, онҳо дар тамоми ҷузъу томҳои Қувваҳои Мусаллаҳ ва дигар сохторҳои ҳарбӣ содиқона хизмат мекунанд ва дар ҳимояи сарҳади давлатӣ низ нақши бузург мебозанд».
Бояд гуфт, ки дар натиҷаи дуруст ба роҳ мондани корҳои фаҳмондадиҳӣ ва ҳамкории раисони ҷамоатҳои шаҳрак ва деҳоту кормандони Комиссариати ҳарбии ноҳия бо падару модарон чор сол мешавад, ки ноҳияи Рашт дар рӯзи якуми даъват нақшаи даъвати ҳарбиро барзиёд иҷро менамояд. Ин амали шоён мояи ифтихори сокинони ноҳияи Рашт мебошад.
АКС: Мақомоти иҷроияи ҳокимияти давлатии ноҳияи Рашт
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
