ИЛМ. Биологҳо 145 варианти генҳоро муайян карданд, ки ба афзоиши инсон таъсир мерасонад

ДУШАНБЕ, 22.04.2023 /АМИТ «Ховар»/.   Биологҳо ва генетикҳои молекулавӣ аз ИМА 145 шакли асосии генҳоро муайян карданд, ки ба раванди рушди бофтаи пайвасткунанда ва ҳуҷайраҳои устухони ширхӯрон таъсири бештар мерасонанд. Ин кашфиёт шумораи қисмҳои ДНК-ро, ки ба дарозии бадани одамон ва ҳайвонот таъсир мерасонанд, якчанд маротиба танг кард. Тавре АМИТ «Ховар» бо истинод ба ТАСС иттилоъ медиҳад, дар ин хусус муҳаққиқон дар маҷаллаи «Cell Genomics» навиштаанд.

Дар даҳсолаи охир олимон ба омӯзиши фаъолонаи генҳое шуруъ карданд, ки намуди зоҳирӣ ва сохтори чеҳра ва баданро муайян мекунад ё таъсир мерасонад. Чунонки кашфиёти солҳои охир нишон медиҳад, шумораи ин гуна генҳо ба чандсад ва ҳатто ҳазорҳо наздик мешавад. Баъзе аз ин генҳо, бахусус минтақаҳои PAX1, DCHS2, RUNX2 ва GLI3, ба шакли бинӣ таъсир мерасонанд, дар ҳоле ки шаклҳои дигар ба намуди умумии чеҳра таъсир мерасонанд.

Ҳатто шаклҳои бештари ДНК ба баландии қади инсон таъсир мерасонанд. Панҷ сол пеш низ биологҳо 83 мутатсияи нодиреро кашф карданд, ки ба афзоиши одамон таъсири калон расонидааст.

Азиза ИКРОМ,
АМИТ «Ховар»

АКС аз манбаъҳои боз