Имрӯз дастаҳои «Равшан» бо «Хатлон», «Регар-ТадАЗ» бо «Истиқлол» ва «Эсхата» бо «Хуҷанд» рақобат мекунанд

Апрель 12, 2023 14:21

ДУШАНБЕ, 12.04.2023 /АМИТ «Ховар»/. Имрӯз бозиҳои дигари даври сеюми Чемпионати Тоҷикистон оид ба футбол байни дастаҳои Лигаи олӣ баргузор мегардад. Дар ин давр дастаҳои футболи «Равшан»-и шаҳри Кӯлоб ва «Хатлон»-и шаҳри Бохтар дар Варзишгоҳи марказии шаҳри Кӯлоб бозӣ мекунанд.

Рақобатҳои дигар байни дастаҳои футболи «Регар-ТадАЗ»-и шаҳри Турсунзода ва «Истиқлол»- и шаҳри Душанбе дар варзишгоҳи «Талко Арена»-и шаҳри Турсунзода ва байни дастаҳои футболи «Эсхата»-и шаҳри Хуҷанд ва «Хуҷанд»-и шаҳри Хуҷанд дар варзишгоҳи «Спартак»-и шаҳри Хуҷанд доир мегарданд.

Дастаи футболи «Равшан»-и шаҳри Кӯлоб дар бозии даври аввал дар майдони хонагиаш ба муқобили дастаи футболи «Кӯктош»-и ноҳияи Рӯдакӣ бо ҳисоби 3:1 пирӯз гардид. Дар бозии даври дуюм футболбозони шаҳри Кӯлоб дар сафар ба муқобили дастаи КМВА-и шаҳри Душанбе мусовӣ (0:0) бозӣ карданд.

Дастаи футболи «Хатлон»-и шаҳри Бохтар мавсими навро хеле бад оғоз кард ва ҳоло даста пас аз ду бохт дар зинаи охири ҷадвали мусобиқа бидуни имтиёз ҷой гирифтааст. Дастпарварони Аслиддин Ҳабибуллоев дар бозии аввал аз дастаи футболи «Регар-ТадАЗ»-и шаҳри Турсунзода бо ҳисоби 3:0 ва дар бозии дуюм аз дастаи футболи «Эсхата»-и шаҳри Хуҷанд бо ҳисоби 2:0 мағлуб гардиданд.

Бозиҳои даври сеюми  Лигаи олӣ

11  апрел

«Ҳосилот»  0:0  КМВА

«Файзканд»  2:1  «Кӯктош»

12  апрел | 16:00

«Регар-ТадАЗ» – «Истиқлол»

Довари марказӣ: Амирҷон Хоркашев (Душанбе).

Ёварон: Исмоил Нуралиев (Норак), Ҷӯрабек Содиқов (Варзоб).

Довари эҳтиётӣ: Сайёдҷон Зайниддинов (Душанбе).

Нозири доварон: Равшан Ишматов (Кӯшониён).

Комиссари бозӣ: Раҳмон Муртазоев (Душанбе).

Турсунзода, варзишгоҳи «ТАЛКО-Арена»

12 апрел (чоршанбе)

Оғоз – соати 16:00

«Эсхата» – «Хуҷанд»

Довари марказӣ: Хуршед Дадобоев (Хуҷанд).

Ёварон: Акмал Бӯриев (Турсунзода), Насимҷон Мансуров (Бобоҷон Ғафуров).

Довари эҳтиётӣ: Абдулло Давлатов (Шаҳринав).

Нозири доварон: Ориф Ҷӯраев (Душанбе).

Комиссари бозӣ: Шавкат Ахмедов (Душанбе).

Хуҷанд, Варзишгоҳи «Спартак»

12 апрел (чоршанбе)

Оғоз – соати 16:00

«Равшан» – «Хатлон»

Довари марказӣ: Беҳрӯз Муртазоев (Душанбе).

Ёварон: Холмурод Абдусаломов, Ғайрат Рӯзибоев (ҳарду аз Шаҳринав).

Довари эҳтиётӣ: Рустам Нурматов (Душанбе).

Нозири доварон: Сафармаҳмад Шоймардонов (Хуросон).

Комиссари бозӣ: Сӯҳроб Ҳамидов (Рӯдакӣ).

Кӯлоб, Варзишгоҳи марказӣ

Меҳрони ҚУРБОН,
АМИТ «Ховар»        

АКС: Федератсияи футболи Тоҷикистон

Апрель 12, 2023 14:21

Хабарҳои дигари ин бахш

Соли 2025 варзишгарони Тоҷикистон дар мусобиқаҳои байналмилалӣ 238 медал ба даст оварданд
НИШАСТИ МАТБУОТӢ. Донишҷӯёни Донишкадаи тарбияи ҷисмонӣ дар мусобиқаҳои байналмилалӣ соҳиби 26 медал шуданд
Таеквондочиёни тоҷик дар Чемпионати Осиё дар Малайзия ду медали биринҷӣ ба даст оварданд
Паҳлавонони тоҷик «Ulaanbaatar Grand Slam-2025»-ро бо як медали нуқра ҷамбаст намуданд
Марҳилаи якуми даврҳои омӯзишӣ оид ба барномаи литсензияи «B» идома дорад
Имрӯз мусобиқаи байналмилалии «Ulaanbaatar Grand Slam-2025» оид ба гӯштини ҷудо оғоз меёбад
Дар Чемпионати ҷаҳон оид ба варзиши намудҳои обӣ 2 варзишгари Тоҷикистон иштирок менамоянд
Бозии интихобии Ҷоми Осиё-2027 байни Тоҷикистон ва Малдив дар Хуҷанд баргузор мешавад
Тоҷикистон бозиҳои марҳилаи интихобии Ҷоми Осиё-2026 байни духтарони то 17-соларо мизбонӣ менамояд
Пагоҳ дар Душанбе маросими қуръакашии Ҷоми Тоҷикистон-2025 баргузор мегардад
Намояндаи Конфедератсияи футболи Осиё варзишгоҳи Турсунзодаро тафтиш намуд
Дар шаҳри Душанбе мусобиқаи «Шоми бокс» баргузор мешавад