Намояндагони давлатҳои аъзои СҲШ дар Деҳлии Нав мубориза бо қочоқи ғайриқонунии маводи мухаддирро баррасӣ намуданд
ДУШАНБЕ, 14.04.2023 /АМИТ «Ховар»/. 13 апрел дар Деҳлии Нав (Ҳиндустон) таҳти раёсати ҷониби Ҳиндустон дар сиғаи пайвандӣ Ҷаласаи сарони мақомоти салоҳиятдори давлатҳои аъзои Созмони ҳамкории Шанхай, ки дар самти мубориза бо гардиши ғайриқонунии маводи мухаддир ваколатдор шудаанд, баргузор гардид. Дар ин хусус ба АМИТ «Ховар» дар котиботи СҲШ хабар доданд.
Тоҷикистонро дар ин ҷаласа корманди Агентии назорати маводи нашъаовари назди Президенти Ҷумҳурии Тоҷикистон Бозоралӣ Сафарализода намояндагӣ кард.
Иштирокчиёни ҷаласа оид ба вазъи маводи мухаддир дар кишварҳои аъзои СҲШ, дурнамои ҳамкории байналмилалӣ дар мубориза бо гардиши ғайриқонунии маводи мухаддир ва суиистифода аз он, инчунин тадбирҳои таҳкими ҳамкорӣ байни ниҳодҳои зидди маводи мухаддири давлатҳои аъзои СҲШ табодули назар карданд.
Сарони ҳайатҳо омодагии худро барои дастгирӣ ва таҳкими низоми байналмилалии назорати маводи нашъаовар дар асоси се конвенсияи асосии СММ оид ба маводи мухаддир ва моддаҳои психотропӣ тасдиқ намуданд.
Инчунин сарони ҳайатҳо ҷонибдории худро баҳри густариши минбаъдаи ҳамкории муассир дар доираи Созишномаи байни давлатҳои аъзои СҲШ дар бораи ҳамкорӣ дар мубориза бо гардиши ғайриқонунии воситаҳои нашъадор, моддаҳои гуногуни психотропӣ ва прекурсорҳои онҳо, Стратегияи зидди маводи мухаддири давлатҳои аъзои СҲШ барои солҳои 2018-2023, Барномаи амал оид ба татбиқи он, инчунин Консепсияи СҲШ оид ба пешгирии суиистифода аз воситаҳои нашъадор ва моддаҳои психотропӣ ҳамчун воситаи асосии ҳамоҳангсозии кӯшишҳои давлатҳо изҳор доштанд.
Дар анҷоми ҷаласа ҷонибҳо ҳайати гурӯҳҳои кории Ҷаласаи сарони мақомоти салоҳиятдори давлатҳои аъзои СҲШ-ро, ки дар самти мубориза бо гардиши ғайриқонунии маводи мухаддир ваколатдор шудаанд, тасдиқ намуда, лоиҳаи Стратегияи зидди маводи мухаддири давлатҳои аъзои СҲШ барои солҳои 2024-2029 ва Барномаи амал оид ба татбиқи онро баррасӣ намуданд.
Азиза ИКРОМ,
АМИТ «Ховар»
АКС: Котиботи СҲШ
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин мулоқот намуданд
Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Ҳиндустон Нарендра Модӣ мулоқот намуданд
Президенти Ҷумҳурии Тоҷикистон Эмомалӣ Раҳмон дар ҷаласаи Шурои сарони давлатҳо дар қолаби СҲШ+ иштирок намуданд
Президенти Ҷумҳурии Тоҷикистон Эмомалӣ Раҳмон дар ҷаласаи Шурои Сарони давлатҳои СҲШ таҳти унвони «25 соли СҲШ: таҳкими субот, густариши ҳамкорӣ барои рушди ояндаи муштарак» иштирок намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Исломии Эрон Масъуди Пизишкиён мулоқот намуданд
Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Арманистон Никол Пашинян мулоқот намуданд
Президенти Ҷумҳурии Тоҷикистон Эмомалӣ Раҳмон бо Дабири кулли СММ Антониу Гутерриш мулоқот намуданд
Президенти Ҷумҳурии Тоҷикистон Эмомалӣ Раҳмон вориди шаҳри Бишкеки Ҷумҳурии Қирғизистон шуданд
НИШАСТИ МАТБУОТӢ. Донишгоҳи давлатии тиҷорати Тоҷикистон ба узвияти Донишгоҳи СҲШ пазируфта шуд
Сироҷиддин Муҳриддин дар нишасти Шурои вазирони корҳои хориҷии Созмони ҳамкории Шанхай иштирок намуд
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
Дар Қазоқистон беш аз 1600 нафар барои либосе, ки чеҳраро пурра мепӯшонад, ба ҷавобгарӣ кашида шуданд
