ОБ ҲАМАРО МУТТАҲИД МЕСОЗАД. Бахшида ба Соли байналмилалии ҳифзи пиряхҳо дар ноҳияи Шаҳринав конференсия доир шуд
ДУШАНБЕ, 24.04.2023 /АМИТ «Ховар»/. 20 апрел бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Шаҳринав бахшида ба Соли байналмилалии ҳифзи пиряхҳо таҳти унвони «Об ҳамаро муттаҳид месозад» Конференсияи илмӣ-назариявии ноҳиявӣ доир гардид, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Шаҳринав.
Дар конференсия доир ба таҳдидҳои муосири ҷаҳонӣ, тағйирёбии иқлими сайёра, зиёдшавии хатарҳои табиӣ, аз қабили обхезӣ, фаромадани тарма, обшавии пиряхҳо, мушкилот вобаста ба таъминоти об баробари зиёдшавии босуръати аҳолӣ, хурӯҷи бемориҳои сирояткунанда ва ғайра гуфта шуд.
Иброз гардид, ки Президенти Тоҷикистон вобаста ба вазъи кунунии пиряхҳои Тоҷикистон таъкид намуда буданд, ки вазъияти нигаронкунанда дар пиряхҳои Помири Тоҷикистон тӯли чанд соли охир баръало мушоҳида шуда, омили асосии тағйирёбии иқлим- ин обшавии босуръати пиряхҳо дар натиҷаи гармшавии глобалӣ мебошад. Обшавии босуръати пиряхҳо дар баробари зиёдшавии истеъмоли об, ки ба афзоиши аҳолӣ ва рушди иқтисодӣ вобаста аст, метавонад ба оқибатҳои манфӣ оварда расонад.
Пешвои миллат муҳтарам Эмомалӣ Раҳмон дар ҷаласаи Панели сатҳи баланд вобаста ба масъалаҳои об ва иқлим пешниҳод намуда буданд, ки соли 2025 Соли байналмилалии ҳифзи пиряхҳо эълон гардида, санаи мушаххаси Рӯзи ҷаҳонии ҳифзи пиряхҳо муқаррар карда шавад.
Мояи ифтихор аст, ки Ассамблеяи генералии Созмони Милали Муттаҳид дар Иҷлосияи 77-уми худ қатъномаи «Соли 2025 – Соли байналмилалии ҳифзи пиряхҳо»-ро эълон намуд. Ин иқдоми наҷибу саривақтии Президенти Тоҷикистон дар сатҳи байналмилалӣ дастгирӣ карда шуд.
Ҳамзамон 22-24 марти соли 2023 дар шаҳри Ню-Йорк таҳти раёсати Президенти Ҷумҳурии Тоҷикистон ва Шоҳи Нидерланд Конфронси дуюми Созмони Милали Муттаҳид оид ба Шарҳи фарогири миёнамуҳлати ҳадафҳои Даҳсолаи байналмилалии амал «Об барои рушди устувор», солҳои 2018-2028 доир гардид.
Воқеан, ташаббусҳои байналмилалии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи созмонҳо ва ҳамоишҳои мухталифи минтақавию байналмилалӣ, бахусус дар соҳаи об ва иқлим, ки ниёзҳои ҷомеаи ҷаҳонӣ ҳастанд, нақши муассир ва ҳалкунанда мебозанд.
АКС: Мақомоти иҷроияи ҳокимияти давлатии ноҳияи Шаҳринав
Ташаббусҳои байналмилалӣ нуфузи Тоҷикистонро қавитар мегардонанд
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
ТАШАББУСҲОИ ТОҶИКИСТОН ДАР СОҲАИ ОБУ ИҚЛИМ. Аз соли 1940 то соли 2017 — дар ҳар даҳсола аз +0,1 то +0,2 дараҷа ҳарорати ҳаво баланд шудааст
МУТТАҲИДКУНИИ ҶАҲОН БАРОИ ОБ. Моҳи май дар Душанбе Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» доир мешавад
Таъсиси Шурои миллии об дар Тоҷикистон қадами муҳим дар самти идоракунии устувори захираҳои об аст
РАВАНДИ ОБИ ДУШАНБЕ. Моҳи майи соли 2026 Душанбе мизбони Конфронси чоруми байналмилалии сатҳи баланд оид ба Даҳсолаи байналмилалии «Об барои рушди устувор» мегардад
МАЪРИФАТИ ҲУҚУҚӢ — ПОЯИ АДОЛАТ. Дар робита ба ташаббуси Тоҷикистон дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Қабули ин қатънома қадами устувор дар масири мутобиқнамоии ноҳияҳои кӯҳсор ба гармшавии глобалии иқлим аст
Соли 2028 Душанбе мизбони Конфронси Созмони Милали Муттаҳид оид ба захираҳои об мегардад
Президенти Тоҷикистон соли 2025-ро соли дастовардҳои назаррас ва рӯйдодҳои муҳими таърихӣ номиданд
ЭМОМАЛӢ РАҲМОН — ТАШАББУСКОРИ ҶАҲОНИИ МАЪРИФАТИ ҲУҚУҚӢ. Дар робита ба қабули қатъномаи Маҷмаи Умумии СММ дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Бахшида ба он «Муколамаи иқлимӣ барои ҷавонон» доир гардид
