Пойгоҳи обкашии «Қаратоғи Нав-1»-и ноҳияи Шаҳринав ба мавсими кишт омода мебошад

ДУШАНБЕ, 09.04.2023 /АМИТ «Ховар»/. Шабакаҳои обрасони ноҳияи Шаҳринав ба мавсими кишт омода мебошанд, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Шаҳринав.

6 апрел роҳбарияти ноҳияи Шаҳринав бо мақсади шиносоӣ ба пурра омода будани шабакаҳои обрасони ноҳия барои таъмин намудани заминҳои кишоварзӣ бо об ва хизматрасонӣ аз Пойгоҳи обкашии «Қаратоғи Нав-1» дидан намуданд.

Пойгоҳи обкашии «Қаратоғи Нав-1», ки тариқи ду дастгоҳи обрасон дар мавзеи Сангичоб барои пурра таъмин намудани 250 гектар замини шартан обёришавандаи хоҷагии деҳқонии «Кишоварз» ва хоҷагиҳои хурди Ҷамоати деҳоти Чуст хизмат мерасонад, ба мавсим омода мебошад.

Дар ноҳия обёрии заминҳои корам аз моҳи апрел оғоз гардида, то моҳи октябр идома меёбад.

Ба масъулин ҷиҳати тақвияти иқтидори кории шабакаҳои обрасон дар мавсими кишту кор ва таъмиру барқарор намудани дастгоҳҳои боқимонда бо роҳи дарёфти сарчашмаҳои иловагии молиявӣ дастуру супориши мушаххас дода шуд.

АКС: Мақомоти иҷроияи ҳокимияти давлатии ноҳияи Шаҳринав