Тӯфонҳои шадиди магнитиро сокинони Замин то охири моҳи апрел эҳсос хоҳанд кард

ДУШАНБЕ, 22.04.2023 /АМИТ «Ховар»/. Дар даҳаи сеюми моҳи апрел тӯфонҳои шадиди магнитӣ дар назар дошта шудааст, чунин пешгӯии ҳолатҳои табиӣ дар сомонаи «Тақвими ман» нашр шудааст. Дар ин хусус АМИТ «Ховар» бо истинод ба АБИ «Казинформ» иттилоъ медиҳад.

Мувофиқи тақвим, ки вақти тӯфонҳои магнитӣ ва қувваи онҳоро на танҳо дар рӯзҳо, балки дар соатҳо низ муқаррар мекунад, дар давраи аз 19 то 21 апрел исёни магнитӣ, алалхусус 21 апрел имконпазир гардид. Қувваи зарбаи табиӣ дар ин рӯз аз 8 нуқтаи имконпазир 5 холро ташкил дод.

25 ва 26 апрел тӯфонҳои магнитии мӯътадил ба амал меоянд, аммо 27 апрел боз як зарбаи пурқуввати 5-хола дар назар аст.

28-29 апрел тӯфони магнитии дараҷаи 4-хола ва дар рӯзи охирини апрел, яъне 30-юм тӯфони шадиди дорои 5 хол сокинонро интизор аст.

Одамоне, ки саломатиашон ба боду ҳаво вобаста аст, инчунин онҳое, ки аз бемориҳои дилу раг, дистонияи вегетологӣ ва вазни зиёдатӣ азият мекашанд, метавонанд бад шудани саломатиашонро эҳсос кунанд.

Табибон тавсия медиҳанд, ки пешгӯиҳои тӯфонҳои магнитӣ барои кам кардани таъсири манфии онҳо ба бадани инсон бояд назорат карда шавад. Дар ин рӯзҳо аз ҳад зиёд кор накунед, барои сайругашт дар ҳавои тоза вақт ҷудо кунед, ғизои сабук бихӯред ва бисёртар хоб равед, одамони гирифтори бемориҳои музмин бояд доруҳои заруриро захира намоянд.

Тавре ки маълум аст, тӯфонҳои геомагнитӣ- ин халалдоршавии майдони магнитии Замин дар натиҷаи барқҳои офтобӣ ва ҷараёнҳои баландсуръати шамоли офтобӣ ва мавҷи зарбаи ба онҳо алоқаманд мебошад.

Азиза ИКРОМ,
АМИТ «Ховар»

АКС: АБИ «Казинформ»