Теъдоди ҳалокшудагон бар асари фоҷиаи марбут ба машруботи қалбакӣ дар Ҳиндустон ба 32 нафар расид

ДУШАНБЕ, 18.04.2023 /АМИТ «Ховар»/. Теъдоди ҳалокшудагон бар асари истеъмоли машруботи заҳролуд дар музофоти Биҳори шарқи Ҳиндустон ба 32 нафар расид. Тавре АМИТ «Ховар» бо истинод ба «Синхуа» иттилоъ медиҳад, дар ин хусус рӯзи душанбе радиои давлатии «All India Radio» хабар додааст.

«Дар Биҳор шумораи ҳалокшудагон аз истеъмоли машруботи қалбакӣ ба 32 нафар расид», — изҳор намуданд дар радио. «Ин рақам эҳтимол афзоиш ёбад, зеро 14 нафари дигар дар ҳолати вазнин қарор доранд ва дар бемористонҳои мухталифи Мотиҳарӣ ва Музаффарпур табобат мегиранд».

То ин муддат полис дар робита ба ҳодиса 108 нафарро боздошта, беш аз 6000 литр машруботро мусодира кардааст.

Дар ҳамин ҳол, сарвазири вилояти Биҳор Нитиш Кумар рӯзи душанбе эълон кард, ки ба хонаводаҳои ҳалокшудагон  ба андозаи 4881 доллар ҷубронпулӣ пардохт хоҳад кард.

Азиза ИКРОМ,
АМИТ «Ховра»

АКС аз манбаъҳои боз